މޯލްޑިވްސް ގޭސްގެ އެމްޑީގެ މައްޗަށް ރިޝްވަތު ދައުވާ ސާބިތެއްނުވި

ކޮރަޕްޝަންގެ ކުށުގައި މޯލްޑިވް ގޭސްގެ ކުރީގެ މެނޭޖިން ޑިރެކްޓަރު އަބްދުﷲ މައުމޫން(މާން)ގެ މައްޗަށް ކުރި ރިޝްވަތުގެ ފަސް ދައުވާއެއް ސާބިތުނުވާ ކަމަށް ކްރިމިނަލް ކޯޓުން ހުކުމްކޮށްފި އެވެ.

އަބްދުﷲ މައުމޫން އަކީ ކޮރޮޕްޝަންގެ ކުށުގައި 12 އަހަރުގެ ޖަލު ހުކުމެއް ތަންފީޒުކުރަމުންދާ ފަރާތެކެވެ.

މައުމޫނުގެ މައްޗަށް ދައުވާ އުފުލީ ކުރީގެ ރައީސް އަބްދުﷲ ޔާމީންގެ ވެރިކަމުގައި މޯލްޑިވް ގޭސްގެ އެމްޑީއަކަށް ހުރިއިރު ރިޝްވަތުގެ ގޮތުގައި މައުމޫނާއި އޭނާއާ ގުޅުން ހުރި އެކައުންޓުތަކަށް ޖުމްލަ 298،403.5 ޑޮލަރު (4.6 މިލިއަން ރުފިޔާ) ޖަމާކޮށްފައިވާ މައްސަލާގައެވެ.

ކޮރޮޕްޝަންގެ މި މައްސަލަ އާއި ގުޅިގެން އޭނަގެ މައްޗަށް 5 ދައުވާއެއް ވަނީ އުފުލާފަ އެވެ. އޭގެ ތެރެއިން ދެ ދައުވާއެއް ސާބިތުވެފައިވާއިތު އަނެއް ތިން ދައުވާ ސާބިތު ނުވާ ކަމަށް ކޯޓުން ވަނީ ކަނޑައަޅާފަ އެވެ. ނަމަވެސް ދައުލަތުން ވަނީ މި ސާބިތުނުވާ ދައުވާތައް އަލުން އިސްތިއުނާފު ކުރަން ހުށައަޅާނެ ކަމަށްވެސް ބުނެފަ އެވެ. '

ދެ ދައުވާއެއް ސާބިތުވެ، 12 އަހަރާއި 9 މަހާއި 18 ދުވަހުގެ ޖަލު ހުކުމެއް އޭނާގެ މައްޗަށް އިއްވީ މިދިޔަ ސެޕްޓެމްބަރު މަހުގަ އެވެ.