50 ޖަލު ގޮޅި އަޅަން 36 މިލިއަން ރުފިޔާގެ ޙަރަދުތަކެއް ކުރި ނަމަވެސް އެޅުނު ގޮޅިތަކެއް ނުފެންނަ ކަމަށް ހޯމް މިނިސްޓަރ އަލީ އިހުސާން ވިދާޅުވެއްޖެއެވެ.
މިހެން މިނިސްޓަރ ވިދާޅުވީ ރޭ ބޭއްވި ސަރުކާރެުގެ ހަފްތާ 52 ގެ ޕެނަލް ޑިސްކަޝަންގައި ވާހަކަފުޅު ދައްކަވަމުންނެވެ.
އެޑްވާންސް ފައިސާ އާއި ޕްރޮގްރެސް ޕޭމަންޓްތަކުގެ ގޮތުގައި އެތައް ޙަރަދެއް ކޮށްފައިވާކަން މިނިސްޓަރ ފާހަގަ ކުރެއްވިއެވެ. އަދި މިހިސާބަށް އައި އިރު ޖަލު ބަންދުކުރަން ޖެހިފައިވާ ކަމާއި ހިދުމަތް ދެމެވުމުން އައި ޖަލުގެ ކެޕޭސިޓީ ކުޑަވެއްޖެ ކަމަށް ވެސް މިނިސްޓަރ ފާހަގަ ކުރެއްވިއެވެ.
މިނިސްޓަރ ވިދާޅުވީ މިކަމުގެ ނަތީޖާއަކީ ދޫކޮށްލެވުނު މީހުންނާއި މުޖްތަމައުގެ ތެރޭގައި މިހާރު ކުށުން އަރައިގަންނަ މީހުން ރިހެބިލިޓޭޓް ކުރުމުގެ ކެޕޭސިޓީ މުޅި ދައުލަތުން ނެތިގެންދިޔުން ކަމަށެވެ. އަދި މި ކެޕޭސިޓީ އަލުން ބިލްޑް ކުރަންޖެހޭ ކަމަށެވެ.
ޑްރަގްސް ގެ މައްސަލައަށް ދާއިމީ ހައްލެއް ގެނައުމަކީ ޑރ. މުހައްމަދު މުއިއްޒުގެ ވަރަށް ބޮޑު އެދުމެއް ކަމަށް މިނިސްޓަރ ވިދާޅުވިއެވެ.
މިނިސްޓަރ ވިދާޅުވީ ޖަލުގައި ޑްރަގްސް ގެ މައްސަލައިގައި ހުރި 330 މީހުންނާއި ވައިލެންޓް ކްރައިމްގެ ސަބަބުން ހުރި 26 މީހުންނާއި ކުޑަކުދިންނަށް ޖިންސީ ގޯނާ ކޮށްފައިވާ 19 މީހަކު ޖަލު ހައްޔަރުން ދޫކޮށްފައިވާ ކަމަށެވެ. މި މީހުން ހައްޔަރު ކުރުމަށް ފުލުހުން ކުރި މަސައްކަތް ފާހަގަކޮށް އަނެއްކާވެސް އިތުރު މަސައްކަތްތަކެއް ކުރަންޖެހިފައިވާ ކަމަށް މިނިސްޓަރ ވިދާޅުވިއެވެ.
"އަޅުގަނޑުމެން އެންމެ ބޮޑަށް މުހިންމު ކަމާއެކު ބޭނުންކުރި ކަސްޓޯޑިއަލް ފެސިލިޓީތައް. ދިވެހިރާއްޖޭގެ ތާރީހުގައި ރަސްމިއްޔާތެއް ބާއްވާފައި ޖަލެއް ތަޅާލި ހަމަ އެކަނު ފަހަރު. ޖަލުގެ ކެޕޭސިޓީއެއް ނެތް. މީހުން ބަންދުކުރާނެ ޖާގައެއް ނެތް. އެކަމަކު ސިޔާސީ މަންފާއަށްޓަކައި ޖަލުގައި ހުރި ސަތޭކަ ފަންސާހަކަށް މީހުންގެ ޖާގައިގެ ގޮޅިތައް ރަސްމިއްޔާތެއް ބާއްވާ ބިނާ ދަމާފަ ތަޅާލި. އެއަށް ރިޕްލޭސްމެންޓަކަށް ދެން ޖަލު ގޮޅި އަޅަންވެގެން އެބަހުރި ހަރަދުތަކެއް ކޮށްފަ. ގޮޅިތައް އަދި އަޅުގަނޑު މިއުޅެނީ ނުފެނިގެން. ޙަރަދުތައް ކުރި އިރު 50 ގޮޅި 36 މިލިއަން ރުފިޔާއަށް." މިނިސްޓަރ
