ޔުނައިޓެޑްގައި އަމޮރިމްގެ ފުރަތަމަ މޮޅު ޔޫރޮޕާ ލީގުގައި ބޯޑޯ/ގިލްމްޑް އަތުން

މެންޗެސްޓަރ ޔުނައިޓެޑްގެ އާ ކޯޗު ރުބެން އަމޮރިމްގެ ފުރަތަމަ މޮޅު ޔޫރޮޕާ ލީގުގައި ބޯޑޯ/ގިލްމްޑް އަތުން ހޯދައިފިއެވެ.

ޔުނައިޓެޑްގައި އަމޮރިމް ފުރަތަމަ މޮޅު ޔުނައިޓެޑަށް ހޯދައިދިނީ 3-2 ން ބޯޑޯ/ގިލްމްޑް ބަލިކޮށްގެންނެވެ. މެޗުގެ ފަށައިގެން ގާނާޗޯ ލަނޑު ޖަހާ ޔުނައިޓެޑަށް ލީޑް ނަގައިދިނެވެ. އެކަމަކު 19 ވަނަ މިނިޓާއި 23 ވަނަ މިނިޓްގައި ދެ ލަނޑު ޖަހައިގެން ބޯޑޯ/ގިލްމްޑް އިން ނަތީޖާ އަނބުރާލުމުން ޔުނައިޓޭޑަށް ސިހުން ލިބުނެވެ. ދެ ލަނޑު ޖެހީ ހަކޯން އެވްޖެން އާއި ޒިންކަނާޖެލް އެވެ. ޔުނައިޓެޑުން އަލުން ކުރި ހޯދީ ފުރަތަމަ ހާފްގެ ފަހު ފަސް މިނިޓާއި, ދެވަނަ ހާފްގެ ފުރަތަމަ ފަސް މިނިޓްގައި ރަސްމުސް ހޮއިލުންޑް ދެ ލަނޑު ޖަހައިގެންނެވެ. އަމޮރިމްގެ އިރުޝާދުގެ ދަށުން ޔުނައިޓެޑް ކުޅުނު ފުރަތަމަ މެޗުގައި ޕްރިމިއަރ ލީގުގައި އިޕްސްވިޗް ޓައުންއާ ވާދަކޮށް ވީއެއްވަރެވެ.

ނަތީޖާއާއެކު ކޯޗު އަމޮރިމް ހުރީ ހިތްހަމަޖެހިފައެވެ. ގަދަ އަށް ޓީމްގެ ތެރޭގައި ހިމެނި އޮޓޮމެޓިކް ޖާގައާއެކު ގަދަ ސޯޅަ ޔަގީން ކުރަން މިއީ މުހިއްމު މޮޅެކެވެ. އެކަމަކު ލަނޑުޖަހަން ލިބުނު ގިނަ ފުރުޞަތުތަކެއް ބޭނުން ނުކުރެވުމުން އެމާޔޫސްކަން ވަނީ ފާޅުކޮށްފައެވެ. މެންޗެސްޓަރ ޔުނައިޓެޑްގައި އާ ކޯޗަށްވެސް އޮތް އެންމެ ބޮޑު ކަންބޮޑުވުމަކީ ޓީމްގެ ޑިފެންސް ފަސޭހައިން ފޫއެޅުމެވެ.