މާދަމާ އޮންނަ އެމްޑީޕީގެ ކޮންގްރެސް އަކީ ބޮޑުތަފާތެއް ފެންނާނެ ކޮންގްރެސް އެއް: ޝިއްޕެ

މާދަމާ އޮންނަ އެމްޑީޕީގެ ކޮންގްރެސް އަކީ ބޮޑުތަފާތެއް ފެންނާނެ ކޮންގްރެސް އެއް ކަމަށް އެމްޑީޕީގެ ޑެޕިއުޓީ ޗެއަރޕާސަން މުހައްމދު ޝިފާޒް، ޝިއްޕެ ވިދާޅުވެއްޖެއެވެ.

އެމްޑީޕީގެ ކޮންގްރެސްއަށް ވަމުންދާ ތައްޔާރީތަކުގެ އަދާހަމަ ގެނެސްދިނުމަށް އަސްލުޓީވީ އިން ކޮންގްރެސް ބާއްވާ މާލެ ސިޓީ ކައުންސިލްގެ ހޯލަށް ކުރި ޒިޔާރަތުގައި ޝިއްޕެ ވިދާޅުވީ

ކޮންގްރެސް އޮކްޓޯބަރު މަހުގެ 01 ވަނަ ދުވަހުގެ ރޭގަނޑު 08:30 ގައި ކޮންގްރެސް މަނުންނާއި ދައުވަތުދެއްވި ހުރިހާ ބޭފުޅުން މާލެ ސިޓީ ކައުންސިލް ހޯލަށް ވަޑައިގެން އިފްތިތާހީ ޖަލްސާ ފައްޓަވާނެ ކަމަށް ޝިފާޒް ވިދާޅުވިއެވެ.

އޮކްޓޯބަރު މަހުގެ 2 ވަނަ ދުވަހު ކޮންގްރެސްގެ ދެވަނަ ދަންފަޅި މެންދުރުފަހުގައި އިންވެސްޓްމެންޓް ފޯރަމްއެއްގެ ގޮތުގައި ކުރިއަށްދާނެ ކަމަށް ޝިފާޒް ވިދާޅުވިއެވެ. އިންވެސްމެންޓް ފޯރަމް އަށް ވަރަށް ގިނަ ބޭފުޅުން ރާއްޖެ އާއި ރާއްޖެއިން ބޭރުން ރަޖިސްޓަރ ކުރަމުންދާ ކަމަށް ޝިފާޒް ވިދާޅުވިއެވެ. ކައުންސިލްތަކާއި އެކުގައި އިންވެސްޓްމެންޓް ފޯރަމް ކުރިއަށްގެންދެވޭ ކަމަކީ ލިބިގެންދާ އުފަލެއް ކަމަށް ޝިފާޒް ވިދާޅުވިއެވެ.

އޮކްޓޯބަރު މަހުގެ 2 ވާ ހުކުރު ދުވަހުގެ މެންދުރުފަހާއި ރޭގަނޑު އިންވެސްޓްމެންޓް ފޯރަމް ކުރިއަށްދާނެ ކަމަށް ޝިފާޒް ވިދާޅުވިއެވެ.

ކޮންގްރެސް އާއި ބެހޭގޮތުން މައުލޫމާތު ދެއްވަމުން ހުޅުމާލެ އުތުރުދާއިރާގެ ކައުންސިލަރ ފާތިމަތު ޒަހިއްޔާ، ޒާޔާ ވިދާޅުވީ މި ކޮންގްރެސް އެހެން ހުރިހަ ކޮންގްރެސް ތަކަށްވުރެ ތަފާތުވާނެ ކަމަށެވެ.

ދާދި ފަހަކުން ބޭއްވި ޕީއެންސީގެ ކޮންގްރެސް އަށް އިޝާރަތްކުރައްވައި ވާހަކަފުޅުދައްކަވަމުން ޒާޔާ ވިދާޅުވީ އެމްޑީޕީގެ ކޮންގްރެސްގެ އެންމެހައި މަސައްކަތްތަކާއި ތައްޔާރީތައް ވަމުން އަންނަނީ އެމްޑީޕީއަށް ހެޔޮ އެދޭ ފަރާތްތަކާއި އެޕާޓީގެ މެމްބަރުންގެ ހީވާގި މަސައްކަތުން ކަމަށެވެ.

އަސްލުޓީވީއަށް މައުލޫމާތު ދެއްވަމުން އެމްޑީޕީގެ ވިލިނގިލި ދާއިރާގެ ރައީސް ހުސައިން ހަސަން ވިދާޅުވީ އެމްޑީޕީއަށާއި ރާއްޖެއަށް ގެންނަން ބޭނުންވާ މުހިއްމު ބަދަލުތައް އެމްޑީޕީގެ ކޮންގްރެސްގައި މަޝްވަރާ ކުރެވި ބަހުސްކުރެވިގެންދާނެ ކަމަށެވެ.

ކޮންގްރެސް އާއި ގުޅޭގޮތުން ވާހަކަފުޅު ދައްކަވަމުން މެދު ހެންވޭރު ދާއިރާގެ ކުރީގެ މެމްބަރު އަލީ އާޒިމް ވިދާޅުވީ އެމްޑީޕީގެ ކޮންގްރެސް މިފަހަރު މި ބާއްވަނީ ދުނިޔޭގެ ކުރިއަރާފައިވާ އެހެން ގައުމުތަކުގައި ސިޔާސީ ގޮތުން މިފަދަ ކަންކަން ކުރަމުންދާ ގޮތަށް ޕްރޮފެޝަނަލް ކޮށް ކަމަށެވެ.

އެމްޑީޕީގެ ކޮންގްރެސް ކުރިއަށްދާނީ އޮކްޓޯބަރު މަހުގެ 01 ވަނަ ދުވަހުން ފެށިގެން 03 ވަނަ ދުވަހުގެ ނިޔަލަށެވެ.