ރާއްޖެއަށް މަސްތުވާތަކެތި އެތެރެކުރި އިންޑިއާގެ ދެމަފިރިންގެ ބަންދަށް ކްރިމިނަލް ކޯޓުން އިތުރު ނުވަ ދުވަސް ޖަހައިފިއެވެ.
ރާއްޖެއަށް މަސްތުވާތަކެތި އެތެރެކުރުމުގެ ކުށުގެ ތުހުމަތުގައި ވެލާނާ އިންޓަނެޝަނަލް އެއާޕޯޓުން ހައްޔަރުކޮށްފައިވަނީ އިންޑިއާއަށް ނިސްބަތްވާ އުމުރުން 41 އަހަރުގެ މުހައްމަދު ޝޯއިބް އާއިއޭނާގެ އަންހެނުން، އައިޝާ، 38 އަހަރެވެ.
ފުލުހުން ވިދާޅުވީ އެ ދެމީހުންގެ ލަގެޖު ބަލައިފާސްކުރިއިރު، ލަގެޖުގެ ތެރެއިން ދެކިލޯގެ މަސްތުވާތަކެތި ފެނިފައިވާކަމަށެވެ.
އެދެމީހުންގެ ބަންދަށް ކްރިމިނަލް ކޯޓުން ފުރަތަމަ ޖެހީ ތިން ދުވަހެވެ. ނަމަވެސް، މިދިޔަ ހުކުރު ދުވަހު އެދެމީހުންގެ ބަންދު އިތުރުކޮށް، ކޯޓުން ވަނީ ނުވަ ދުވަސް ޖަހާފައެވެ.
އެދެމީހުނަށްވެސް ވަނީ ވަކީލަކު ހޯދުމުގެ ފުރުސަތު ދީފައެވެ.
