ކުޑަކުދިންތަކަކަށް ޖިންސީ ގޯނާކުރި މައްސަލައެއްގައި އުމުރުން ދުވަސްވީ މީހަކު ހައްޔަރު ކޮށްފިއެވެ.
ފުލުހުން މިއަދު ބުނިގޮތުގައި މިހާދިސާ ހިނގާފައިވަނީ ދެކުނުގެ ރަށެއްގައި ކަމަށެވެ. އެކަމަކު ކޮން އަތޮޅެއް ކަމެއް އަދި ރަށެއް ކަންވެސް ފުލުހުން އާންމުކޮށްފައެއް ނުވެއެވެ.
ފުލުހުން ބުނިގޮތުގައި އުމުރުން 11 އަހަރާއި 7 އަހަރުގެ ދެ ކުޑަކުކުދިންނަށް ޖިންސީ ގޯނާކުރި މައްސަލަ ރިޕޯޓު ކޮށްފައިވަނީ މިމަހުގެ 4 ވަނަ ދުވަހުއެވެ.
މި މައްސަލާގައި އުމުރުން 56 އަހަރުގެ މީހަކު ރޭ ހައްޔަރުކޮށްފައިވާ ކަމަށް ފުލުހުން ވަނީ ބުނެފައެވެ.
އެނގިފައިވާގޮތުގައި މި މައްސަލާގައި ހައްޔަރުކޮށްފައިވާ މީހާ އަކީ މީގެ ކުރިން ވެސް ޖިންސީ ގޯނާގެ މައްސަލަތަކުގައި ހައްޔަރުކޮށްފައިވާ މީހެކެވެ.
