
ނޭޝަނަލް ކިޔުއާރު ކޯޑް އެމްއެމްއޭ އިން ތައާރަފްކުރަން ނިންމައިފި

މުޙައްމަދު ފަޟްލޫން - 10 އޯގަސްޓު 2025 - 10:42
ބޭންކް ކާޑު ބޭނުން ނުކޮށް ފައިސާގެ މުއާމަލާތްތައް ކުރުމަށް ބޭނުންކުރެވޭ ނެޝަނަލް ކިއުއާރް ކޯޑެއް ތައާރަފްކުރަން މޯލްޑިވްސް މަނިޓަރީ އޮތޯރިޓީ، އެމްއެމްއޭ އިން ނިންމައިފި އެވެ.
މަރުކަޒީ ބޭންކް އެމްއެމްއޭ އިން ބުނީ އަންނަ އަހަރު އެ ހިދުމަތް ތައާރަފްކުރަން ނިންމާފައިވާ ކަމަށެވެ.
ނޭޝަނަލް ކިޔުއާރު ކޯޑް ތައާރަފްކުރުމާއެކު ފައިސާގެ މުއާމަލާތްތައް ކުރުމުގައި ވަރަށް ބޮޑެތި ލުއިފަސޭހަތަކެއް ލިބިގެންދާނެ ކަމަށް އެމްއެމްއޭ އިން ވަނީ ބުނެފައެވެ.
ނޭޝަނަލް ކިޔުއާރު ކޯޑްގެ ހިދުމަތް ދޭނީ އެއް ބޭންކުން އަނެއް ބޭންކަށް ވަގުތުން ފައިސާގެ މުއާމަލާތްކުރެވޭ އިންސްޓެންޓް ޕޭމެންޓް ސިސްޓަމް، ފަވަރަ އިގެ ތެރެއިން ކަމަށް އެމްއެމްއޭ އިން ވަނީ ބުނެފައެވެ.
ނޭޝަނަލް ކިޔުއާރު ކޯޑްގެ ހިދުމަތާއެކު ފަސޭހަކަމާއި ރައްކާތެރިކަމާއެކު ފައިސާ ދެއްކޭނެ ކަމަށް އެމްއެމްއޭ އިން ވަނީ ބުނެފައެވެ.
ނެޝަނަލް ކިޔުއާރު ކޯޑާއި އެކު ހުރިހާ ވެންޑަރުންނަށް ވެސް ކާޑުގެ ބަދަލުގައި އެ ހިދުމަތް ބޭނުންކުރެވޭނެ ކަމަށް އެމްއެމްއޭ އިން ވަނީ ބުނެފައެވެ. މި ހިދުމަތަކާއި އެކު ބޭންކް ކާޑުތަކުން ފައިސާ ދައްކާއިރު މިހާރު ނަގާ ފީތައް ނުނަގާނެ ކަމަށް އެމްއެމްއޭ އިން ވަނީ ބުނެފައެވެ.
މި ހިދުމަތަށް ހާއްސަކޮށް ރާއްޖޭގެ ބޭންކް ތަކާއި ގުޅިގެން ކުންފުންޏެއް އުފެއްދުމުގެ މަސައްކަތް މިހާރު ދަނީ ކުރަމުންނެވެ.
މިކަމަށް އެމްއެމްއޭ އިން ދަނީ ޕޭމެންޓް ސިސްޓަމްގެ ގާނޫނަށް އިސްލާހު ގެނައުމުގެ މަސައްކަތްތައް ކުރަމުންނެވެ.
ނޭޝަނަލް ކިޔުއާރު ކޯޑްގެ ހިދުމަތް ދިނުމަށް ހާއްސަކޮށްގެން އުފައްދާ ކުންފުނީގެ ބޭނުމަކީ ޕޭމެންޓްތައް ހެދުމުގައި އާއްމުންނަށް ލުއިފަސޭހަ އާ ޒަމާނީ ހިދުމަތްތައް ތައާރަފް ކުރުމެވެ. އަދި އެކުންފުނި މަސައްކަތްކުރާނީ ދުނިޔޭގެ އެހެން ނޭޝަނަލް ޕޭމެންޓްތައް ހިންގުމަށް ހަދާފައިވާ ކުންފުނިތައް މަސައްކަތްކުރާ އުސޫލުންނެވެ. އެއާއެކު އޯޕަން ބޭންކިންގ އާއި ޑިޖިޓަލް ބޭންކިންގ ހިދުމަތްތައް ވެސް އިތުރަށް ތައާރަފްކުރެވިގެންދާނެއެވެ.
ކިޔުއާރު ކޯޑް ޕޭމަންޓް ނިޒާމަކީ ދުނިޔޭގައި ވެސް އެންމެ ފުޅާ ދާއިރާއެއްގައި ކުރިއަރަމުން އަންނަ އެއް ހިދުމަތެވެ.
ކާޑުގެ ބަދަލުގައި ކިޔުއާރު ކޯޑް ޕޭމެންޡޓް ހިދުމަތް ބޭނުންކުރާ މިންވަރު ދުނިޔޭގައި އެއް ދުވަހުން އަނެއް ދުވަހަށް ދަނީ އިތުރުވަމުންނެވެ.
ގުޅުން ހުރި ޙަބަރުތައް

6 ރަށެއްގައި އެއާޕޯޓް ތަރައްގީ ކުރުމަށް ދެ ކުންފުންޏަކާއެކު ފައިނޭސިންގް އެއްބަސްވުމަކަށް
3 އަހަރު ކުރިން

ނައިބު ރައީސް އަންނަ ހަފްތާގައި އައްޑޫއަށް ވަޑައިގަންނަވަނީ
3 އަހަރު ކުރިން

އެއިޑްސް ދުވަހުގެ ހަރަކާތްތައް ގއ.އަތޮޅުގައި ކުރިޔަށްދަނީ
3 އަހަރު ކުރިން

ޓައިމް މެގަޒިންގެ އަހަރުގެ ޝަހުސިއްޔަތަކީ ޒްލެންސްކީ
3 އަހަރު ކުރިން