
ގައުމީ ނިޝާން ވެއްޓުނަ ނުދެއްވައި ހިފަހައްޓަވަނީ
ގައުމީ ނިޝާން ވެއްޓުނަ ނުދީ ހިފެހެއްޓެވުން، އެތައް ބައެއްގެ ތައުރީފު ރައީސަށް

އާމިނަތު ޝަފާ - 27 ޖުލައި 2024 - 06:13
މިއަހަރުގެ މިނިވަންދުވަހުގެ ހާއްސަ ޖަލްސާ ރޭ ބާއްވާފައިވާއިރު އެ ޖަލްސާގައި ދައުލަތަށް ދިގު މުއްދަތަކަށް ހިދުމަތް ކުރެއްވި 100އަށް ވުރެ ގިނަ ބޭފުޅުންނަށްވަނީ ޝަރަފުގެ ބެޖާއި އައްޑަނަ ހަވާލުކުރައްވާފައެވެ.
މި ޝަރަފުގެ ބެޖާއި އައްޑަނަ ހަވާލުކޮށްދެެއްވީ ރައީސުލްޖުމްހޫރިއްޔާ ޑރ.މުހައްމަދު މުއިއްޒެވެ.
އެހެންނަމަވެސް މުޅި ސޯޝަލް މީޑިއާ ގުގުމާލީ ޖަލްސާގެ ތެރެއިން ފާހަގަކޮށްލެވޭ 30 ކަށް ސިކުންތުގެ ވީޑިއޯއަކަށެވެ. ވީޑިއޯއިން ފެނިގެންދަނީ ދައުލަތަށް ދިގު މުއްދަތަކަށް ހިދުމަތް ކުރެއްވި ބޭފުޅަކަށް ރައީސް ޑރ. މުހައްމަދު މުއިއްޒު އިނާމާއި ހަނދާނީ ފިލާ ހަވާލުކުރެއްވުމުގެ ތެރޭގައި ފިލާ ވެއްޓެން އުޅުމުން އެ ފިލާ ވެއްޓުނަނުދީ ރައީސް ހިފެހެއްޓެވި މަންޒަރެވެ.
ވީޑިއޯ ހިއްސާކޮށް ތައުރީފުކުރީ ހަމައެކަނި ސަރުކާރުގެ ބޭފުޅުންނެއް ނޫނެވެ. އިދިކޮޅު ބައެއް ފަރާތްތަކުންވެސް އަންނަނީ ރައީސްގެ ކުއްލި އަވަސް ހަރަކާތަށް ތައުރީފުކުރަމުންނެވެ. ރައީސް ވަރަށް ވެސް ހުޝިޔާރު ކަމަށާއި އެ މަންޒަރަކީ ވަރަށް މާނަ ފުން އެތައް ހާސް މެސެޖަކާއި ވާހަކައެއް ކިޔައިދޭ މަންޒަރެއްކަމަށް ގިނަ ބަޔަކު ބުނަމުން އެބައާދެއެވެ.
ހަމައެހެންމެ ރައީސް ގައުމާ ހަވާލުވީއިރު ރާއްޖޭގެ އިގްތިސާދު އޮތް ނާޒުކު ހާލަތުން އަރައިގަތުމަށް އެތަކެއް އިސްލާހީ ފިޔަވަޅުތަކެއް އަޅަމުންދާ މިދަނޑިވަޅުގައި ގައުމީ ނިޝާން ބޮޑުކޮށް ޖަހާފައި އޮތް ހަނދާނީ ފިލާ ހިފެހެއްޓެވިގޮތައް ގައުމުވެސް ވެއްޓެންދާ އަނދަވަޅުން ސަލާމަތްކޮށް ހިފަހައްޓައި އަލުން ކޮޅަށް ޖަހާދެއްވާނެކަމަށް ހިޔާލު ފާޅުކުރި މީހުން އަންނަނީ ބުނަމުންނެވެ.
މީގެ އިތުރުން މިކަމުން ދޭހަކޮށްދެނީ ކޮންމެ ވަގުތަކުވެސް ދިމާވެދާނެ ކޮންމެ ހާލަތަކަށްވެސް ރައީސްހުރީ ސަމާލުވެކަމަށާއި މި ހުށިޔާރުކަންފެނި އެމަނިކުފާނަށް އެތައް ބަޔަކު އަންނަނީ އިހުތިރާމުއަދާކުރަމުންނެވެ. މި ހުށަޔާރުކަމުގައި ގައުމު ހިންގަވަމުންދާކަމަށްވަނީނަމަ ކާމިޔާބީ އޮންނާނީ ދާދި ގާތުގައިކަމަށް އެ ފަރާތްތަކުން ދެެކެއެވެ.
ކޮންމެއަކަސް ރޭގެ ޖަލްސާގައި ރައީސް މުއިއްޒުގެ ފަރާތުން ފެނިގެން ދިޔައީ އެމަނިކުފާނު އަބަދުމެ ވިދާޅުވާ ގައުމިއްޔަތު ދިރުވުމުގެ ނަމޫނާއެކެވެ.
ގުޅުން ހުރި ޙަބަރުތައް

ރައްޔިތުންގެ އިތުބާރު އަދިވެސް ޝަރުއީ ދާއިރާއަކަށް ނެތް
2 އަހަރު ކުރިން

ފުޓް ބޯޅައިގެ ހަޔާތުން ރެޔެއް - އުފަލާއި ހިތާމަ
2 އަހަރު ކުރިން

"ހަދިޔާ ދޭންޖެހޭ" ސަގާފަތް އުފެއްދީ މިދިޔަ ސަރުކާރުން - އެމްއާރުއެމް
2 އަހަރު ކުރިން

ބޭރުގެ އިންވެސްޓްމަންޓްތައް އިތުރުކުރަން ޤާނޫނީ ނިޒާމަށް އިސްލާހު ގެނެވިއްޖެ - ފައްޔާޒު
2 އަހަރު ކުރިން