ގާތުންދޭ މައިންނަށް އެމްއެމްއޭއިން ލުޔެއް!

އެމްއެމްއޭގައި މަސައްކަތް ކުރާ މުވައްޒަފުންގެ ތެރެއިން ގާތުންދޭ މައިންނަަށް އެ އޮފީހުން ލުއި ގޮތްތަކެއް ހަމަޖައްސައިދީފިއެވެ.

އެގޮތުން، އެމްއެމްއޭގައި މަސައްކަތް ކުރާ ގާތުންދޭ މައިންނަށް ދެވޭ 1 ގަޑިއިރުގެ ވަގުތު 2 ގަޑިއިރަށް ވަނީ އިތުރުކޮށްފައެވެ.

އެމްއެމްއޭ އިން ބުނީ މި ބަދަލާއެކު މިއަދުން ފެށިގެން ގާތުންދޭ ހުރިހާ މައިންނަށް ވެސް މަސައްކަތުގެ ގަޑީގެ ތެރެއިން 2 ގަޑިއިރުގެ ހުސްވަގުތެއް ދަރިފުޅާއެކު ހޭދަކުރުމަށް ލިބިގެންދާނެ ކަމަށެވެ.

އަންހެނުންގެ ކުރިއެރުމަށް އިސްކަންދިނުމުގައި އެމްއެމްއޭ އިން އަބަދު ވެސް ދަނީ ނަމޫނާ ދައްކަމުންނެވެ. އެގޮތުން ވިހެއުމާ ގުޅިގެން ދެވޭ ޗުއްޓީ 6 މަސްދުވަހަށް އިތުރުކުރި އެންމެ ފުރަތަމަ އެއް އިދާރާއަކީ ވެސް އެމްއެމްއޭ އެވެ.