ފެނުގެ އަސަރުކޮށް ކްރިމިނަލް ކޯޓުގެ ޝަރީއަތްތައް ހުއްޓުމަކަށް

މިހާރުވެސް އެތައް މައްސަލަތަކެއް ދިމާވާ ކުރިމިނަލް ކޯޓަށް ފެނުގެ އަސަރުކޮށް ޝަރީއަތްތައް ހުއްޓުމަކަށް އައިސްފިއެވެ.

އެ ކޯޓުން ބުނީ ދިވެހިރާއްޖެއަށް މިހާރު ކުރަމުންދާ ވިއްސާރައާ ގުޅިގެން މާބުދަ ދުވަހު ސަރުކާރު ބަންދުކުރުމަށް ނިންމާފައިވާތީ އަދި ވިއްސާރައިގެ ސަބަބުން ކޯޓުގެ އިމާރާތައް ފެނުގެ އަސަރުކުރަމުންދާތީ، ކޯޓުން ތާވަލުކޮށްފައިވާ އެންމެހައި މައްސަލަތައް ކެންސަލް ކުރެވިފައިވާކަމަށެވެ.

އެހެންނަމަވެސް ބަންދާމެދު ގޮތެއް ނިންމުމުގެ މަޖިލީސްތަކާއި ކޯޓު އަމުރު ނެރުމުގެ މަސައްކަތް ކުރިއަށް ގެންދެވޭނެކަން ކޯޓުންވަނީ ފާހަގަކޮށްފައެވެ.

ކްރިމިނަލް ކޯޓުގެ އިމާރާތް ބާވެ އެ ކޯޓުގެ މަސައްކަތް ގާތްގަނޑަކަށް ހުއްޓިފައި ވާތީ އެ ކޯޓު ހުޅުމާލެއަށް ބަދަލު ކުރުމުގެ މަސައްކަތް ސަރުކާރުން އަންނަނީ ކުރަމުންނެވެ.

ޝަރުއީ ދާއިރާއަށް ރައްޔިތުން އެދޭ ބަދަލު ގެނެސްދެވޭނީ ކުރިމިނަލް ކޯޓަށް ދިމާވެފައިވާ މައްސަލަ ހައްލުކޮށްގެންކަމަށް ސަރުކާރުން ދެކެއެވެ.