މެންޗެސްޓަރ ޔުނައިޓެޑް ކަޓުވާލުމަށްފަހު ލީގު ކަޕްގެ ސެމީފައިނަލްގެ ފަހު ޖާގަ ޓޮޓްނަމް އަށް

މެންޗެސްޓަރ ޔުނައިޓެޑް ކަޓުވާލުމަށްފަހު އިނގިރޭސި ލީގު ކަޕްގެ ސެމީފައިނަލްގެ ފަހު ޖާގަ ޓޮޓްނަމް އިން ހޯދައިފިއެވެ.

ޓޮޓްނަމް ލީގު ކަޕްގެ ސެމީފައިނަލަށް ދަތުރުކުރީ 4-3 ން މެންޗެސްޓަރ ޔުނައިޓެޑް ބަލިކޮށްގެންނެވެ. މެޗުގައި ޓޮޓްނަމްގެ ސޮލަންކޭ ދެ ލަނޑު ޖެހިއެވެ. ފުރަތަމަ ލީޑް ނަގައިދިނީވެސް އޭނާ އެވެ. ޓޮޓްނަމްއަށް ދެން ލަނޑު ޖަހައިދިނީ ކުލްސެވްސްކީ އާއި ސޮން މިން އެވެ. ޓޮޓްނަމް އިން ތިން ލަނޑު ޖެހި ފަހުން ޔުނައިޓެޑަށް ފުރަތަމަ ލަނޑު ޖަހައިދިނީ 63 ވަނަ މިނިޓްގައި ޖޯޝުއާ ޒިރްކްޒީ އެވެ. ދެވަނަ ލަނޑު ޖެހީ ޑިއާލޯ އެވެ. އިތުރު ވަގުތުގައި އިވާންސް ޔުނައިޓެޑްގެ ތިންވަނަ ލަނޑު ޖެހި ނަމަވެސް ނަތީޖާ ހަމަހަމަ ކުރާނެ ފުރުޞަތެއް ނުލިބުނެވެ.

މުބާރާތުގެ ސެމީފައިނަލުން ޖާގަ ހޯދީ ޓޮޓްނަމްގެ އިތުރުން, ލިވަޕޫލާއި, އާސެނަލް އާއި ނިއުކާސަލް ޔުނައިޓެޑް އެވެ.