ހުޅުމާލެ ލަކުޑި ޖެޓީ ކައިރީގައިހުރި ދަބަސްތަކެއް ބަަލައިފާސްކުރުމުން، ބަނގުރާ ދަޅުތަކެއް ފެނިފައިވާ ކަމަށް ފުލުހުންގެ ޚިދުމަތުން ބުނެފިއެވެ.
ހުޅުމާލޭ ފެރީ ޓާމިނަލްއާ ކައިރީގައި ހުންނަ ހުޅުމާލެ ފޭސް 1ގެ ލަކުޑި ޖެޓީ ކައިރީގައި ހުރި އެ ދަބަސްތައް ފުލުހުން ބަަލައިފާސްކުރީ ޝައްކުކުރެވޭ ކަންތައްތަކެއް ފާހަގަވުމުންނެވެ.
އެ ޚިދުމަތުން ބުނީ، ލަކުޑި ޖެޓީ ކައިރީގައި ހަވާލުވާނެ މީހަކު ނެތް ދަބަސްތަކެއް ހުރިކަމަށް ނޮވެމްބަރު 3 ވަނަ ދުވަހު ލިބުނު މައުލޫމާތަކާ ގުޅިގެން ފުލުހުން ގޮސް އެ ދަބަސްތައް ބަލައިފާސްކުރިއިރު 228 ދަޅު ބަނގުރާ ފެނިފައިވާ ކަމަށެވެ. މި މައްސަލައާ ގުޅިގެން މީހަކު ހައްޔަރުކޮށްފައެއް ނުވެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
