ކޮންޓެއިނަރ ތަކެއް ކަނޑަށް ވެއްޓި އޮޔާދާތީ ސަމާލުވާން އަންގައިފި!

މާލޭ ވިޔަފާރި ބަނދަރުގެ ބޭރުގައި އަޅާފައި އޮތް ބާޖަކުން ކޮންޓެއިނާރ ތަކެއް މޫދަށް ވެއްޓި އޮޔާދާތީ ސަމާލުވާން އަންގައިފި އެވެ.

ކޮންޓެއިނަރ ތަކެއް ހުރި ބާޖަކުން މޫދަށް ކޮންޓެއިނަރ ތައް ވެއްޓިފައި ވަނީ މޯލްޑިވްސް ޕޯސްޓް ލިމިޓެޑް އެމްޕީއެލްގެ ބޯޓަކުންނެވެ.

މޫދަށް ވެއްޓިފައި ވަނީ ކިތަށް ކޮންޓެއިނަރ ކަމެއް އަދި ސާފެއް ނުވެ އެވެ.

ފުލުހުން ބުނީ ކޮންޓެއިނަރ ތައް އޮޔާދާ ކަމުގެ މައުލޫމާތު ލިބިފައިވަނީ މިރޭ 23:10 ހާއިރު ކަމަށާއި، މި ކޮންޓެއިނަރ ތައް އޮޔާދާ ކަމަށް ލަފާކުރެވެނީ ދޫނިދޫ އާއި ފޭދޫ ފިނޮޅުގެ ދެމެދުގައި އޮންނަ ކަނޑުގެ ސަރަހައްދުން ކަމަށާއި، ދަތުރުކުރައްވާ ފަރާތްތަކުން ހާއްސަ ސަމާލުކަމެއް ދެއްވުން އެދޭ ކަމަށެވެ.

އޮޔާދާ ކޮންޓެއިނަރ ތަކުގައި އެއްވެސް މުދަލެއް ހުރިކަމެއް އަދި ނެތް ކަމެއްވެސް އަދި ސާފެއް ނުވެ އެވެ. މިކަމުގައި އަދި މިހާތަނަކަށް އެމްޕީއެލްގެ ބަހެއް އަދި ނުލިބެ އެވެ.