މާމިގިލީ "ކަނދިލި މިސްކިތް" ތަރިކައިގެ ރަސްމީ ލިސްޓުގައި ހިމެނުމަށް ނިންމައިފި

އދ. މާމިގިލީ ކަނދިލި މިސްކިތް ތަރިކައިގެ ރަސްމީ ލިސްޓުގައި ހިމަނަން މިނިސްޓްރީ އޮފް ދިވެހި ލެންގުއޭޖް ކަލްޗަރ އެންޑް ހެރިޓޭޖުން ނިންމައިފިއެވެ.

އެ މިނިސްޓްރީން ބުނިގޮތުގައި މާމިގިލީ ކަނދިލި މިސްކިތް ތަރިކައިގެ ރަސްމީ ލިސްޓުގައި ހިމަނުމަށް އެ މިނިސްޓްރީން ނިންމާފައިވާ ކަމަށާއި އެ މިސްކިތަކީ ވަރަށް މަތީފެންވަރުގެ ރީތި ހިރިގަލުގެ ފަންނީ މަސައްކަތްތަކެއް ފެންނަ މިސްކިތެއް ކަމަށެވެ.

ފާހަގަކުރެވޭގޮތުގައި އެ މިސްކިތް ތަރިކައިގެ ލިސްޓުގައި ހިމެނުމާއި ގުޅޭގޮތުން މިނިސްޓަރ އޮފް ދިވެހި ލެންގުއޭޖް ކަލްޗަރ އެންޑް ހެރިޓޭޖް އާދަމް ނަޞީރު އިބްރާހީމާއި މާމިގިލީ ކައުންސިލްގެ ރައީސް ޢިމާދު ފާރޫޤު ވަނީ މަޝްވަރާކުރައްވާފައިއެވެ.

ދިވެހި ޤައުމިއްޔަތު ޢިއާދަކުރުމުގެ މަސައްކަތަކީ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އެންމެ އިސްކަން ދެއްވައިގެން ފަށްޓަވާފައިވާ އެއް މަޝްރޫޢެވެ.

ތަރިކަރައްކާތެރިކުރުމުގައި ސަރުކާރުގެ ސިޔާސަތަކީ ތަނުގެ އަސްލުވަންތަކަމާއި ޤުދުރަތީ ރީތިކަމަށް އެއްވެސް އުނިކަމެއް ނާންނާނެ ގޮތަކަށް މާއްދީ ތަރިކަތައިގެ ދާއިރާ ތަރައްޤީކުރުން ކަމުގައި ރައީސް ވަނީ މީގެ ކުރިން ވިދާޅުވެފައެވެ.