
—
އެމްޑަބްލިއުއެސްސީގެ މުވައްޒަފުންނަށް ފްލެޓް ހަވާލުކޮށްފި

އަހުމަދު ޒަލީފު - 28 ފެބްރުއަރީ 2023 - 11:37
އެމްޑަބްލިޔުއެސްސީން އިމާރާތްކުރި "މަލަސް ރެޒިޑެންސް"އިން ފުލެޓް ލިބުނު ފަރާތްތަކަށް ތަޅުދަނޑި ހަވާލުކޮށްފިއެވެ.
ސަރުކާރު ކުންފުނިތައް ހިމެނޭގޮތަށް ހުޅުމާލެ ދެ ވަނަ ފިޔަވަހީގައި ކުރިޔަށް ގެންދިޔަ ހިޔާ މަޝްރޫއުގެ ދަށުން އެމްޑަބްލިޔުއެސްސީން ގާއިމްކުރި 15 ބުރީގެ "މަލަސް ރެސިޑެންސް" މިއަދު އިފްތިތާޙުކޮށްފައިވާއިރު، ހިޔާ މަޝްރޫޢުގައި މާލޭ ވޯޓަރ އެންޑް ސުވަރޭޖް ކޮމްޕެނީން އިމާރާތްކުރަން ދޫކޮށްފައިވަނީ 15 ފަންގިފިލާގެ 2 ޓަވަރެވެ. އެއީ ޖުމްލަ 384 އެޕަރޓްމަންޓެވެ. ނަމަވެސް އެ ކުންފުނިން މަސައްކަތް އެއްކޮން ނިމިފައިވަނީ އެއް ޓަވަރުގެ މަސައްކަތެވެ. މިޓަވަރުގަ 1ކޮޓަރިއާ 1+2ކޮޓަރި އާއި 3ކޮޓަރީގެ އެޕާޓްމަންޓްތައް ހިމެނެއެވެ. އެގޮތުން ފުރަތަމަ ފަންގިފިލާއިން ފެށިގެން ހަތަރުވަނަ ފަންގިފިލާއާ ދެމެދު ހިމެނެނީ އެއް ކޮޓަރީގެ އެޕަޓްމަންޓްތަކެވެ. އަދި ފަސްވަނަ ފަންގިފިލާއިން ފެށިގެން 14ވަނަ ފަންގިފިލާއާ ދެމެދު ހިމެނެނީ 2ކޮޓަރިއާ 3ކޮޓަރީގެ އެޕާޓްމަންޓްތަކެވެ. މި ގޮތުން މި ފުލެޓުގައި 3 ކޮޓަރިގެ 60 އެޕާޓްމަންޓާއި 2 ކޮޓަރީގެ 40 އެޕާޓްމަންޓުގެ އިތުރުން 1 ކޮޓަރިގެ 92 އެޕާޓްމަންޓު ހިމެނެއެވެ.
މި ފުލެޓް އިފްތިތާހްކުރީ އެ ސަރަހައްދުގައި ބޭއްވި ރަސްމިއްޔާތުގައި، ރައީސް އޮފީހުގެ މިނިސްޓަރ އަޙްމަދު ސަމީރު އެވެ.
މިރަސްމިއްޔާތުގައި އެ ކުންފުނީގެ މެނޭޖިންގ ޑިރެކްޓަރ ހަސަން ޝާހް އާއި، ކުންފުނީގެ މެނޭޖްމަންޓް ޓީމާއި އަދި މުވައްޒަފުންގެ އިތުރުން މަޝްރޫއުގެ ކޮންޓްެރެކްޓަރގެ އޮފިސަލުންވެސް ވަނީ ބައިވެރިވެފައެވެ.
މި ރަސްމިއްޔާތުގައި ވާހަކަފުޅު ދައްކަވަމުން ޝާހް ވިދާޅުވީ، އެ ކުންފުނީގެ މުވައްޒަފުންނަށް ޙާއްސަކޮށްގެން ޤާއިމްކުރި "މަލަސް ރެސިޑެންސް" ރަސްމީކޮށް މިއަދު ހުޅުވިގެން ދިޔުމަކީ، މުވައްޒަފުންނަށް ބޯހިޔާވެހިކަމުގެ ފުރުސަތު ފަހިވެ، ހެޔޮ އަގުގައި އަމިއްލަ ތަނެއް ލިބުމަށް މަގުފަހިވެގެންދިޔަ ކަމެއް ކަމަށެވެ.
މި މަޝްރޫއު ކުރިޔަށް ގެންގޮސްފައި ވަނީ ޗައިނާގެ ކުންފުންޏެއް ކަމަށްވާ، ދި ޓުވެންޓީ ތާޑް މެޓަލާޖިކަލް ކޮންސްޓްރަކްޝަން ގުރޫޕް ކޯ ލިމިޓެޑް އޮފް މިނެމެޓަލްސްއާ ހަވާލުކޮށްގެންނެވެ. އެމަސައްކަތް އެ ކުންފުންޏާ ހަވާލު ކުރީ 2018 ވަނަ އަހަރު އެވެ.
މަލަސް ރެސިޑެންސް ލިބުން އެ ކުންފުނީގެ މުވައްޒަފުން މަހުން މަހަށް ދައްކަންޖެހޭ ފައިސާ ދެއްކޭނެ ލުއި ފަސޭހަގޮތްތަކެއް އެކުންފުނިން ވަނީ ހަމަޖައްސާފައެވެ. އެގޮތުން އިސްލާމިކް ބޭންކް މެދުވެރިކޮށް ފުލެޓަށް ފައިސާ ދެއްކޭނެކަމަށް އެ ކުންފުނިންވަނީ ވިދާޅުފައެވެ.
ގުޅުން ހުރި ޙަބަރުތައް

6 ރަށެއްގައި އެއާޕޯޓް ތަރައްގީ ކުރުމަށް ދެ ކުންފުންޏަކާއެކު ފައިނޭސިންގް އެއްބަސްވުމަކަށް
2 އަހަރު ކުރިން

ނައިބު ރައީސް އަންނަ ހަފްތާގައި އައްޑޫއަށް ވަޑައިގަންނަވަނީ
2 އަހަރު ކުރިން

އެއިޑްސް ދުވަހުގެ ހަރަކާތްތައް ގއ.އަތޮޅުގައި ކުރިޔަށްދަނީ
2 އަހަރު ކުރިން

ޓައިމް މެގަޒިންގެ އަހަރުގެ ޝަހުސިއްޔަތަކީ ޒްލެންސްކީ
2 އަހަރު ކުރިން