ދުންފަތާ ދުރުވުމަށް އެހީތެރިވެދޭ ޕްރޮގްރާމެއް ފަށައިފި

ދުންފަތުގެ އިސްތިއުމާލުކުރަމުންދާ ފަރާތްތަކުގެ ތެރެއިން އެކަމުން ދުރުވުމަށް ބޭނުންވާ ފަރާތްތަކަށް ހާއްސަކޮށް ދުންފަތާއި ދުރުވުމަށް އެހީތެރިވެދޭ ޕްރޮގްރާމެއް ހެލްތު މިނިސްޓްރީގެ ފަރާތުން ދަމަނަ ވެށީގައި ފަށައިފިއެވެ.

މި ޕްރޮގަރާމާއި ގުޅޭގޮތުން ހެލްތު މިނިސްޓްރީން މިއަދު ކުރި އިއުލާނެއްގައި ބުނެފައިވަނީ ދުންފަތުގެ އިސްތިއުމާލުކުރުން ހުއްޓާލަން ބޭނުންވާ މީހުންނަށް ދަމަނަވެށިން މިހާރު އެ އެހީ ތެރިކަން ފޯރުކޮށްދެމުން ގެންދާނެ ކަމަށާއި އެކަމަށް އެހީ ހޯދަން ދަމަނަވެއްޓަށް ދިއުމަށް ފަސްނުޖެހުމަށެވެ.

މިނިސްޓްރީން ވަނީ އުފަންދުވަހާއި، އީދާއި އަދި ނޫނީ ވަކި ހާއްސަ ދުވަހެއްގެ ފަހުން ދުންފަތުގެ އިސްތިއުމާލު ކުުރުން ހުއްޓާލުމަށް މަޑު ނުކުރުމަށްވެސް ނަސޭހަތްތެރިވެފައެވެ. އަދި ދުންފަތުގެ އިސްތިއުމާލު ކުރުން ހުއްޓާލަން މިއަދުން ފެށިގެން މަސައްކަތް ފެށުމަށް ވަނީ އިލްތިމާސްކޮށް ހެލްތު މިިނިސޓްރީގެ އިއުލާނުގައި ބުނެފައިވަނީ ވީހައިވެސް ގިނަ ބަޔަކު މި އަމަލާއި ދުރަށް ދިއުމަށް އަވަހަށް މަސައްކަތް ފެށުމަށެވެ.

ދުންފަތުގެ އިސްތިއުމާލު ކުރުން ހުއްޓަން އެހީވަން ހާއްސަ ކްލިނިކެއް މީގެ ކުރިންވަނީ އައިޖީއެމްއެޗްގައި ވެސް ހުޅުވިއެވެ.

ރާއްޖޭގައި ގިނަ އަދަދެއްގެ ބަޔަކު ސިނގިރެޓް ބޭނުން ކުރާއިރު އެކަމަށް ބޮޑު ހޭދައެއް ވެސް ކުރެއެވެ. އަދި ފަހަކަށް އައިސް އީ- ސިނގިރޭޓް ބޯ މީހުން ވެސް ވަރަށް ގިނައެވެ. އަދި ދުންފަތުގެ ޒަރީއާއިން ޖހެޭ ޖެންސަރުގެ ބާވަތަކަުގެ ބަލިމީހުންނާއި މަރުވާ މީހުންގެ އަދަދުވެސް އިތުރުވަމުންދާކަން ފާހަގަ ކޮށްލެވެއެވެ.