
ބަލިމީހުންގެ ރައްކާތެރިކަން ކަށަވަރުކުރުމާއި ގުޅޭ ސަމިޓްގައި މިނިސްޓަރ ނާޒިމް ބައިވެރިވަޑައިގެންފި
.jpeg&w=3840&q=75)
އައިޝަތު އިނާޝާ - 03 އޭޕްރީލު 2025 - 13:59
ހަތް ވަނަ ގްލޯބަލް މިނިސްޓީރިއަލް ސަމިޓް ފޯ ޕޭޝަންޓް ސޭފްޓީގައި މިނިސްޓަރ އޮފް ހެލްތު އަބްދުﷲ ނާޒިމް އިބްރާހިމް ބައިވެރިވެވަޑައިގަންނަވައިފިއެވެ.
މި ސަމިޓް ކުރިއަށް ދާނީ ފިލިޕީންސްގެ މެނިލާގައި އޭޕްރީލް މަހުގެ 3-4 އޭޕްރީލް އަށެވެ.
ޑިޕާޓްމަންޓް އޮފް ހެލްތު އޮފް ދަ ރިޕަބްލިކް އޮފް ފިލިޕީންސް އިން އިންތިޒާމްކުރާ މި ސަމިޓަކީ ދުނިޔޭގެ ސިއްހީ ދާއިރާގެ ލީޑަރުންނާއި ތަޖުރިބާކާރުންނާއި ސްޓޭކްހޯލްޑަރުން އެއްތަނަކަށް އެއްވެ ސިއްހީ ފަރުވާގެ ފެންވަރު ރަނގަޅުކުރުމާއި ބަލިމީހުންގެ ރައްކާތެރިކަން ކަށަވަރުކުރުމަށް ބައިނަލްއަގްވާމީ ގޮތުން މަސައްކަތްތައް ހަރުދަނާކުރުމަށް ބާއްވާ ސަމިޓެކެވެ.
މި ސަމިޓްގައި މިނިސްޓަރުންނާއި ސިއްހީ ދާއިރާގެ ފަންނީ ބޭފުޅުންނަށް ގްލޯބަލް ޕޭޝަންޓް ސޭފްޓީ އެކްޝަން ޕްލޭން (ޖީޕީއެސްއޭޕީ) 2021-2030 ގައި ކަނޑައަޅާފައިވާ ކަންކަން ކުރެވިފައިވާ މިންވަރު ބަލާ، ބަލިމީހުންގެ ރައްކާތެރިކަމުގައި އިސްކަންދޭ ދާއިރާތަކާ ބެހޭ ގޮތުން މަޝްވަރާކޮށް، އެކަންކަން ހާސިލްކުރުމަށް ކުރިމަތިވާ ގޮންޖެހުންތަކާ ގޮތުން މަޝްވަރާކޮށް ހައްލުހޯދާނެ ކަމަށް ހެލްތް މިނިސްޓްރީން ވަނީ ބުނެފައެވެ.
މި ސަމިޓްގައި ރާއްޖޭގެ ފަރާތުން، މިނިސްޓަރު އަބްދުﷲ ނާޒިމް އިބްރާހީމަށް ސިއްހީ ދާއިރާގެ މުހިންމު ޖަމިއްޔާތަކާއި ބައިނަލްއަގްވާމީ ބައިވެރިންނާ ގުޅިގެން ބަލިމީހުންގެ ރައްކާތެރިކަމުގެ މަސައްކަތްތައް ކުރިއެރުވުމުގައި އެއްބާރުލުން ދެވޭނެ ދާއިރާތަކުން އެއްބާރުލުން ހޯދުމަށް މަޝްވަރާކުރާނެއެވެ.
ބަލިމީހުންގެ ރައްކާތެރިކަން ކަށަވަރުކުރުމަށް ރާއްޖެއިން ކުރަމުންދާ މުހިންމު މަސައްކަތްތަކުގެ ތެރޭގައި ނޭޝަނަލް ޕޭޝަންޓް ސޭފްޓީ ޕްރޮގްރާމް، ހޮސްޕިޓަލްތަކުގައި ކޮލިޓީ އިމްޕްރޫވްމަންޓް އެންޑް ޑިވެލޮޕްމަންޓް (ކިއުއައިޑީ) ޔުނިޓްތައް ގާއިމްކުރުމާއި، 178 ސިއްހީ މަރުކަޒެއްގައި ޕޭޝަންޓް ސޭފްޓީ ފޯކަލް ޕޮއިންޓްތައް އައްޔަންކުރުން ހިމެނެއެވެ.
ގުޅުން ހުރި ޙަބަރުތައް

6 ރަށެއްގައި އެއާޕޯޓް ތަރައްގީ ކުރުމަށް ދެ ކުންފުންޏަކާއެކު ފައިނޭސިންގް އެއްބަސްވުމަކަށް
2 އަހަރު ކުރިން

ނައިބު ރައީސް އަންނަ ހަފްތާގައި އައްޑޫއަށް ވަޑައިގަންނަވަނީ
2 އަހަރު ކުރިން

އެއިޑްސް ދުވަހުގެ ހަރަކާތްތައް ގއ.އަތޮޅުގައި ކުރިޔަށްދަނީ
2 އަހަރު ކުރިން

ޓައިމް މެގަޒިންގެ އަހަރުގެ ޝަހުސިއްޔަތަކީ ޒްލެންސްކީ
2 އަހަރު ކުރިން