ކޮލެރާ ޖެހިގެން ސޫދާންގައި 40 މީހުން މަރުވެއްޖެ

ކޮލެރާ ޖެހިގެން ސޫދާންގައި 40 މީހުން މަރުވެއްޖެއެވެ.

ސޫދާނުގެ ޑާފޫރު ސަރަހައްދުގައި ނުރައްކާތެރިކަމާއެކު ހަލުވިކަމާއެކު ކޮލެރާގެ ބަލިމަޑުކަން ފެތުރި، 40 މީހަކު މަރުވެފައިވާ ކަމަށް ޑޮކްޓާސް ވިތައުޓް ބޯޑާސް (އެމްއެސްއެފް) އިން ވަނީ ބުނެފައެވެ.

މެޑިކަލް ޗެރިޓީން ބުނީ މި ބަލިމަޑުކަން އެންމެ ބޮޑަށް ފެތުރިފައި ވަނީ ސޫދާންގެ ހުޅަނގުގެ ފުޅާ ސަރަހައްދަކަށް ކަމަށެވެ. މި ސަރަހައްދަކީ ގަވާއިދުން ސިފައިންނާއި ޕެރަމިލިޓަރީ ރެޕިޑް ސަޕޯޓް ފޯސަސް އާއި ދެމެދު ދެ އަހަރަށް ވުރެ ގިނަ ދުވަހު ކުރިއަށް ގެންދިޔަ ހަނގުރާމައިގެ ބޮޑު މައިދާނެކެވެ.

ޑާފުރު ސަރަހައްދުގައި އެކަނިވެސް އެމްއެސްއެފްގެ ޓީމުތަކުން 2،300 އަށް ވުރެ ގިނަ ބަލިމީހުންނަށް ފަރުވާ ދީފައިވާއިރު، ފާއިތުވި ހަފްތާގެ ތެރޭގައި 40 މީހުން މި ބަލީގައި މަރުވެފައިވާ ކަމަށް ރެކޯޑްކޮށްފައިވާ ކަމަށް އެމްއެސްއެފް އިން ނެރުނު ބަޔާނެއްގައިވެއެވެ.

އެންޖީއޯއިން ބުނީ މި ހިނގާ އޮގަސްޓް މަހުގެ 11 ވަނަ ދުވަހުގެ ނިޔަލަށް ކޮލެރާއާ ގުޅިގެން ރިޕޯޓު ކުރި 99،700 މީހުންގެ ތެރެއިން 2،470 މީހުން މަރުވެފައިވާ ކަމަށެވެ.

ކޮލެރާ އަކީ ގޮހޮރުގެ ސީރިއަސް އިންފެކްޝަނެކެވެ.

މިއީ ބެކްޓީރިއާ ތަޣައްޔަރުވެފައިވާ ކާނާއާއި ފެނުގެ ތެރެއިން ގިނަ ފަހަރަށް ނަޖިހުން ފެތުރޭ އިންފެކްޝަނެކެވެ.

ކޮލެރާއަށް ފަރުވާ ނުދިނުމުން ގަޑިއެއްހާއިރުގެ ތެރޭގައި މީހާ މަރުވުމުގެ ފުރުސަތު އޮވެއެވެ.

އޯރަލް ރީހައިޑްރޭޝަނާއި، އަދި އެއަށްވުރެ ސީރިއަސް ހާލަތްތަކުގައި އެންޓިބަޔޮޓިކްސް ދީގެން މި ބައްޔަށް ފަރުވާ ކުރެވިދާނެއެވެ.

ޖިއޮގްރަފިކަލީ ވެސް ފެތުރިފައިވާ ކޮލެރާ ވޭދަނަތައް 2021 ވަނަ އަހަރުން ފެށިގެން ދުނިޔޭގެ ފެންވަރުގައި އިތުރުވެފައިވާކަން ފާހަގަ ކުރެވެއެވެ.

އެމްއެސްއެފް އިން ވަނީ މި ބަލިން ރައްކާތެރިވުމަށް އަޅަން ޖެހޭ ފިޔަވަޅުތައް އެޅުމަށް އިލްތިމާސް ކޮށްފައެވެ.