
ބޭރު ފައިސާ ގަނެ ވިއްކުމުގެ ލައިސަންސް 34 ފަރާތަކަށް ދީފި

މުޙައްމަދު ފަޟްލޫން - 10 އޯގަސްޓު 2025 - 08:51
ބޭރު ފައިސާ ގަނެވިއްކުމުގެ ވިޔަފާރިކުރުމުގެ ލައިސަންސް 34 ފަރާތަކަށް ދީފައިވާ ކަމަށް މަރުކަޒީ ބޭންކް، އެމްއެމްއޭ އިން ބުނެފިއެވެ.
ހުސްވި ހަފްތާގެ ބުރާސްފަތި ދުވަހުގެ ނިޔަލަށް 34 ފަރާތަކަށް މި ގަވާއިދުގެ ދަށުން މަނީ ޗޭންޖިން ވިޔަފާރި ހިންގުމުގެ ލައިސަންސް ދީފައިވާ ކަމަށް އެމްއެމްއޭ އިން ވަނީ ބުނެފައެވެ.
މި 34 ފަރާތާއި، 1987 ގެ މަނީ ޗޭންޖިން ގަވާއިދުގެ ދަށުން ލައިސަންސް ދީ އައު ގަވާއިދުގެ ދަށުން އެޕްލިކޭޝަން ހުށަހަޅާ އެ އެޕްލިކޭޝަނާއި މެދު ވަކި ގޮތެއް އަންގަން ދެން ކުރީގެ ލައިސަންސްގެ ދަށުން ވިޔަފާރި ކުރިއަށް ގެންދެވޭނެ ކަމަށް ކަނޑައަޅާފައިވާ 30 ފަރާތަކާ އެކު އެ މުއްދަދުގެ ނިޔަލަށް އެ އޮތޯރިޓީން ހުއްދަ ދީފައިވަނީ ޖުމްލަ 62 މަނީ ޗޭންޖަރަކަށް ކަމަށްވެސް އެމްއެމްއޭ އިން ވަނީ ބުނެފައެވެ.
ރާއްޖޭގައި މަނީ ޗޭންޖިން ވިޔަފާރި ހިންގުމަށް ލައިސަންސް ދިނުމުގެ އިތުރުން މިފަދަ ވިޔަފާރިތައް ހިންގަމުން ދަނީ ކަމާގުޅޭ ގާނޫނާއި ގަވާއިދުތަކާއި އެއްގޮތްވާ ގޮތުގެ މަތިންކަން ކަށަވަރުކުރުމަކީ ވަރަށްބޮޑު އިސްކަމެއްދޭ ކަމެއް ކަމަށް އެމްއެމްއޭ އިން ވަނީ ބުނެފައެވެ.
އެމްއެމްއޭ އިން ހުއްދަ ދީފައިވާ މަނީ ޗޭންޖަރުންގެ އިންސްޕެކްޝަން ތަކެއް، ކަމާއި ގުޅޭ ގާނޫނު ތަންފީޒުކުރާ އެހެނިހެން އިދާރާތަކާއި ގުޅިގެން މި މަސް ތެރޭގައި ހިންގުމަށް ރޭވިފައިވާ ކަމަށް އެމްއެމްއޭ އިން ވަނީ ބުނެފައެވެ.
މި އިންސްޕެކްޝަންތަކުގެ ބޭނުމަކީ ހުއްދަދީފައިވާ މަނީ ޗޭންޖަރުން އެވިޔަފާރިތައް ކުރިއަށް ގެންދަނީ ކަމާއި ގުޅޭ ޤާނޫނުތަކާއި ގަވާއިދުތަކާއި އެއްގޮތްވާގޮތުގެ މަތިންކަން ކަށަވަރު ކުރުން ކަމަށްވެސް އެމްއެމްއޭ އިން ބުނެފައިވެއެވެ.
ގުޅުން ހުރި ޙަބަރުތައް

6 ރަށެއްގައި އެއާޕޯޓް ތަރައްގީ ކުރުމަށް ދެ ކުންފުންޏަކާއެކު ފައިނޭސިންގް އެއްބަސްވުމަކަށް
3 އަހަރު ކުރިން

ނައިބު ރައީސް އަންނަ ހަފްތާގައި އައްޑޫއަށް ވަޑައިގަންނަވަނީ
3 އަހަރު ކުރިން

އެއިޑްސް ދުވަހުގެ ހަރަކާތްތައް ގއ.އަތޮޅުގައި ކުރިޔަށްދަނީ
3 އަހަރު ކުރިން

ޓައިމް މެގަޒިންގެ އަހަރުގެ ޝަހުސިއްޔަތަކީ ޒްލެންސްކީ
3 އަހަރު ކުރިން