މަރުވެފަ އޮތް މީހެއްގެ ހަށިގަނޑު ކަނޑުމަތިން ފެނިގެން ފުލުހުން ހަރަކާތްތެރިވެއްޖެ އެވެ.
މީޑިއާތަކަށް ފޮނުވި މެސެއްގައި ފުލުހުން ބުނީ، އެ މީހާގެ ހަށިގަނޑު ފެނުނީ އުސްފަސްގަނޑު ދިމާލުން ކަނޑުމަތިން ކަމަށެވެ. އަދި އެކަމުގެ ރިޕޯޓު ފުލުހުންނަށް ލިބުނީ 17:06 ހާއިރު ކަމަށެވެ.
ފުލުހުން ބުނީ އެއީ ދިވެހި ފިރިހެނެއްކަން މިހާތަނަށް ބެލި ބެލުމުން އެނގިފައިވާ ކަމަށެވެ. އަދި އެމީހާ އައިޖީއެމްއެޗްއަށް ގެންދިޔައިރު ވެސް އޮތީ މަރުވެފައި ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށެވެ.
ފުލުހުން ބުނީ، މަރުވެފައި އޮއްވާ ފެނުނީ ހ. ވެލަސްފަރުގެ، އުމުރުން 62 އަހަރުގެ އިބްރާހީމް ޖައުހަރީ ކަމަށެވެ. އަދި މި މައްސަލަ ތަހުގީގު ކުރަމުންދާ ކަމަށް ވެސް އެ ހިދުމަތުން ވަނީ ބުނެފަ އެވެ.
