ވެމްކޯގެ އެކެޑެމީއާއި ދިވެހި ރެޑްކްރެސެންޓުން ކުރިއަށް ގެންދިޔަ ތަމްރީނު
ޕްރޮގްރާމްތައް ފުރިހަމަކުރި ބައިވެރިންނަށް ސެޓްފިކެޓް ހަވާލުކޮށްފި އެވެ.
ވެމްކޯއިން ބުނީ، އެ ކުންފުނީގެ އެކެޑެމީއާއި ރެޑްކްރެސެންޓާއި ގުޅިގެން ތިން ތަމްރީނު ޕްރޮގްރާމެއް ކުރިއަށް ގެންދެވުނު ކަމަށެވެ. އަދި އެ ތިން ކޯސް، 61 ބައިވެރިން ފުރިހަމަކޮށްފައިވާ ކަމަށް ވެސް އެ ކުންފުނިން ބުންޏެވެ.
މި ކޯސްތަކުގައި ރެޑް ކްރެސެންޓުގެ ފަރާތުން ވަނީ ވެމްކޯގެ މުވައްޒަފުންނަށް ފަސްޓް އެއިޑް ޓްރެއިނިން ދީފަ އެވެ. އަދި ރައްކާތެރި ގޮތުގައި ކުނި ނައްތާލުމާއި ގެންގުޅުމުގެ ތަމްރީނުދީފައިވެ އެވެ.
ރެޑްކްރެސެންޓާއި ގުޅިގެން އެފަދަ ކޯސްތައް ވެމްކޯއިން މި ވޭތުވެ ދިޔަ އަހަރުތަކުގައި ކުރިއަށް ގެންގޮސްފައިވެ އެވެ.
