"މެދުއިރުމަތީގެ ހަނގުރާމަ" ޔަހޫދީންނަށް ދެބިލިއަން ޑޮލަރަށްވުރެ ބޮޑު ގެއްލުމެއް!

މެދުއިރުމަތީގައި ފަށާފައިވާ ހަނގުރާމަ އާއި ގުޅިގެން ޔަހޫދީންނަށް ދެ ބިލިއަން އެމެރިކާ ޑޮލަރަށް ވުރެ ބޮޑު ގެއްލުމެއް ވެފައިވާ ކަމަށް މީޑިޔާ ރިޕޯޓްތައް ބުނެފި އެވެ

މި ޙަރަދި ތަކަކީ ހަމައެކަނި އީރާނުގެ ޑްރޯން ހަމަލާ ތަކާއި ބެލިސްޓިކް މިސައިލް ހަމަލާތަކުގައި އިސްރާއީލުގެ އުމުރާނީ ކަންކަމަށް ނުވަތަ އިގްތިސާދަށް ލިބުނު ގެއްލުމެކެވެ.

މި ޙަރަދުގެ ތެރޭގައި ހަނގުރާމަށް ޔަހޫދީން ކުރަމުންދާ އަސްކަރީ ޚަރަދުތައް ހިމަނާފައެއް ނުވެ އެވެ. ޖުމްލަކޮށް ޔަހޫދީންގެ އަސްކަރީ ޙަރަދުތަކާއެކު މުޅި ޖުމްލަ ގެއްލުމުގެ އަންދާޒާ ހިސާބުތަކަށް 4 ނުވަތަ 5 ބިލިއަން އެމެރިކާ ޑޮލަރު އަރާނެ ކަމަށް ބެލެވެ އެވެ.

މީޑިޔާ ރިޕޯޓްތައް ބުނާ ގޮތުގައި މިއީ މިފަހުގެ ތާރީހެއްގައި އިސްރާއީލަށް ކުރިމަތިވި އެންމެ ބޮޑު މާލީ ގޮންޖެހުމެވެ.

ޔަހޫދީންގެ ހައްދުފަހަނަ އެޅި ބޮޑުވަޒީރު ބެންޔަމިން ނަތަންޔާހޫއާއި އޭނާގެ އެންމެ ބޮޑު މަދަދުގާރު، އެމެރިކާގެ ރައީސް ޑޮނަލްޑް ޓްރަމްޕް ގުޅިގެން އީރާނާ ދެކޮޅަށް ހަނގުރާމަ ފަށާފައި ވަނީ ފެބުރުވަރީ 28ވަނަ ދުވަހުއެވެ.

އެ ހަނގުރާމައިގައި އީރާންގައި ޝަހީދު ކޮށްލާފައިވާ މީހުންގެ އަދަދު ވަނީ 1,045އަށް އުފުލިފައެވެ. އީރާނުން ވެސް ވަނީ ޔަހޫދީންގެ 11 މީހުންނާއި އެމެރިކާ ސިފައިންގެ ހަ މީހުން މަރައިލާފައެވެ. އަދި، ޔަހޫދީންގެ އެތަކެއް ސަތޭކަ ބަޔަކު ޒަޚަމު ކޮށްލާފައެވެ.

އީރާނުން ވަނީ ޔަހޫދީންގެ ރަށްތަކަށް ޙަމަލާ ދިނުމަށް ބޮޑެތި، ބާރުގަދަ އަދި ފެންވަރު މަތި މިސައިލްތައް ބޭނުން ކުރަން ފަށާފައެވެ.