އީރާނުގެ ވަރުގަދަ ހަމަލާތަކާއެކު ޔަހޫދީން ބިންގަރާސްތަކަށް ވަދެ ފިލަން ފަށައިފި

މެދުއިރުމަތީގައި މިވަގުތު ހިނގަމުންގެންދާ ވަރުގަދަ ހަނގުރާމަ އާއި ގުޅިގެން އީރާނުން ފުލުފުލުން ޔަހޫދީ އިސްރާއީލަށް އަމާޒުކުރި ހަމަލާތަކާއި ގުޅިގެން ޔަހޫދީންގެ ބިލިއަނަކަށްވުރެ ގިނަ މީހުން ބިންގަރާސްތަކަށް ވަދެ ފިލަން ފަށާފައިވާ ކަމަށް މީޑިޔާ ރިޕޯޓްތައް ބުނެފި އެވެ

އީރާނާ ދެކޮޅަށް ހަނގުރާމަ ފެށުމުގެ އަޑީގައި ހުރީ ޔަހޫދީންގެ ހައްދުފަހަނަ އެޅި ބޮޑުވަޒީރު ބެންޔަމިން ނަތަންޔާހޫއާއި އޭނާގެ އެންމެ ބޮޑު މަދަދުގާރު، އެމެރިކާގެ ރައީސް ޑޮނަލްޑް ޓްރަމްޕެވެ.

އެމެރިކާ އިސްވެ އޮވެ ޔަހޫދީންނާއި ބައިއަތު ހިފައިގެން އީރާނަށް ހަމަލާ ދިނުމަށް ފަށާފައިވާ މި ހަނގުރާމަ ހުއްޓުމަށް އެމެރިކާގެ ގާނޫނު ހަދާ މަޖިލީހުންވެސް ވަނީ މަސައްކަތްކޮށް ނާކާމިޔާބު ވެފަ އެވެ.

ޓްރަމްޕްގެ ހަނގުރާމަ ހުއްޓުވުމުގެ ގޮތުން ކޮންގްރެސްގެ މަތިގެ، ސެނެޓަށް ހުށަހެޅި ބިލު، އޭނާގެ ރިޕަބްލިކަން ޕާޓީން ވަނީ ބޭރުކޮށްލާފައެވެ. ބިލު ބަލައިގަތުމަށް ތާާޢީދު ކުރެއްވީ ސެނެޓުގެ 47 މެންބަރުންނެވެ. ނަމަވެސް، 53 މެންބަރުންގެ ވޯޓާއެކު އެ ބިލު ވަނީ ބޭރުކޮށްލާފައެވެ.

ގަލްފާއި ޢަރަބި ޤައުމުތަކުން އުފައްދާ ތެލާއި ގޭސް ދުނިޔޭގެ ބާޒާރަށް ނެރުމަށް ހުރަސްއެޅި، ބާޒާރުގައި ތެލުގެ އަގު ވަނީ އުފުލިފައެވެ. ހުރްމުޛް ކަނޑުއޮޅި ހުރަސް ނުކުރެވި 200އެއްހާ އުޅަނދު މި ވަގުތު ތާށިވެފައި އޮތް ކަމުގައި ރިޕޯޓުތައް ބުނެއެވެ.

އީރާނުން ދަނީ އެގައުމުގެ އަސްކަރީ މަނަވަރުތަކާއި ރޮކެޓު ހަމަލާލަކާ އެކު އެމެރިކާގެ އަސްކަރީ މަރުކަޒު ތަކާއި ރާޑަރު ސިސްޓަމްތަކަށް އަމާޒުކޮށް ވަރުގަދަ ހަމަލާތަކެއް ފޮނުވަމުންނެވެ.

އީރާނުގެ މި ހަމަލާތަކުގައި އަސްކަރީ މަރުކަޒުތަކަށް ބިލިއަނުން ވަނީ ގެއްލުންތައް ވެފަ އެވެ.