އީރާނުގެ މަނަވަރެއް ލަންކާގެ ކަނޑުގެ ސަރަހައްދުން ދަތުރުކުރާތީ ސަލާމަތްތެރިކަން ހޯދަނީ

އީރާނުގެ އަސްކަރީ މަނަވަރެއް ސްރީލަންގާގެ ކަނޑުގެ ސަރަހައްދަކުން ދަތުރުކުރަމުންދާތީ އެމަނަވަރުގައި ތިބި ފަޅުވެރިންނަށް ސްރީލަންކާއި އިން އެހީތެރިކަން ފޯރުކޮށްދެމުން އަންނަ ކަމަށް އެގައުމުން ހާމަކޮށްފި އެވެ

އީރާނުގެ މަނަވަރުގައި ތިބި ފަޅުވެރިންނަށް ރައްކާތެރިކަން ފޯރުކޮށްދިނުމުގެ މަސައްކަތް ކުރަމުން އަންނަނީ ލަންކާގެ ކަނޑުގެ ސިފައިންގެ ފައުޖެކެވެ.

އެމެރިކާއިން ވަނީ މީގެ ކުރިންވެސް މެދުއިރުމަތީގެ ހަނގުރާމަ ފެށި ފަހުން އީރާނުގެ އަސްކަރީ އުޅަނދެއް ލަންކާގެ ކަނޑުގެ ސަރަހައްދުން ދަތުރުކުރަމުން ދަނިކޮށް ފައްތާލާފަ އެވެ.

ނަމަވެސް ލަންކާ ސިފައިންގެ މަސައްކަތުން ބައެއް މީހުން ވަނީ މި ހާދިސާއިން ސަލާމަތް ކޮށޤދީފަ އެވެ.

އިއްޔެގެ ވަގުތެއްގައި ލަންކާގެ ކަނޑުގެ ސަރަޙައްދުގެ ބޭރުން ދަތުރުކުރި އައިރިސް ޑެނާ ނަމަކަށް ކިޔާ އެ އަސްކަރީ މަނަވަރަށް، އެމެރިކާގެ ކަނޑުގެ ސިފައިންގެ ސަބްމެރީނަކުން ޓޯޕީޑޯ ޙަމަލާއެއްދީ، ފައްތާލައިފައެވެ.

އެ މަނަވަރުގައި ތިބި 130 ފަޅުވެރިންގެ ތެރެއިން، 87 މީހުންގެ ހަށިގަނޑު ހޯދާފައިވާކަމަށް ލަންކާ ސަރުކާރުން ވަނީ ބުނެފައެވެ. އެ މަނަވަރުން ސަލާމަތްކުރެވުނު 32 މީހުން ލަންކާގެ ދެކުނުގައި ހުންނަ ގޯލް ހޮސްޕިޓަލަށް ވަނީ ގެންގޮސްފައެވެ. އެ މަނަވަރު ފައްތާލާފައިވަނީ، ލަންކާގެ ގާތްގަނޑަކަށް 40 މޭލު ބޭރުން، ބައިނަލްއަޤުވާމީ ކަނޑުގެ ސަރަޙައްދުން ދަތުރުކުރަމުންދަނިކޮށެވެ.