ފައިނޭންޝަލް އެކްސްޕޯގެ ތެރެއިން ޒަކާތާ ގުޅޭ 4 ފޮތެއް ނެރެފި
ރިޟްވާން މޫސާ - 02 ޖުލައި 2026 - 10:19
މޯލްޑިވްސް ފައިނޭންޝަލް އެކްސްޕޯ 2026ގެ ތެރެއިން ޒަކާތާއި ގުޅޭ ހަތަރު ފޮތެއް ނެރެފި އެވެ.
މޯލްޑިވްސް ފައިނޭންޝަލް އެކްސްޕޯއަކީ، މޯލްޑިވްސް މަނިޓަރީ އޮތޯރިޓީ (އެމް.އެމް.އޭ)އިން އިންތިޒާމު ކޮށްގެން ބާއްވާ އެކްސްޕޯއެކެވެ. މި އެކްސްޕޯ މިމަހުގެ 4 ވަނަ ދުވަހުގެ ނިޔަލަށް ހުޅުމާލެ ސެންޓްރަލް ޕާކުގައި ކުރިއަށްދާނެއެވެ.
މި ފޮތްތައް ނެރެދެއްވީ، ފައިނޭންޝަލް އެކްސްޕޯ ހުޅުވައިދެއްވުމަށްފަހު ރައީސުލްޖުމްހޫރިއްޔާ ޑރ. މުޙައްމަދު މުއިއްޒެވެ.
މިއަދު ބޭއްވި މި އެކްސްޕޯ ރަސްމީކޮށް ހުޅުވައިދެއްވީ ވެސް ރައީސުލް ޖުމްހޫރިއްޔާ ޑރ މުހައްމަދު މުއިއްޒެވެ.
ރައީސުލްޖުމްހޫރިއްޔާ މި އެކްސްޕޯގެ މޯލްޑިވްސް ޒަކާތު ހައުސްގެ ސްޓޯލަށް ކުރެއްވި ޒިޔާރަތުގައި، ޒަކާތު ހައުސްގެ ޑައިރެކްޓަރ ޖެނެރަލް އައްޝައިޚް އިމްތިޠާއު ޢައްބާސްވަނީ މި 4 ފޮތް އެމަނިކުފާނަށް އަރުވައިފައެވެ.
މީގެ އިތުރުން، "ޒަކާތް ބަލައިގަތުމާއި ބެހުމުގެ ޝަރުޢީ އުޞޫލުތަކާއި މިންގަނޑުތައް" މި ފޮތުގެ ދިވެހި އަދި އިނގިރޭސި ފޮތްވެސް ރައީސުލްޖުމްހޫރިއްޔާއަށް ވަނީ އަރުވައިފައެވެ.
އެކްސްޕޯގެ ތެރެއިން މޯލްޑިވްސް ޒަކާތު ހައުސްއިން ނެރެފައިވާ 4 ފޮތަކީ:
* ޒަކާތާއި އަޤީދާ
* ޒަކާތާއި ޞަދަޤާތްދިނުމާ މެދު ބާރުއަޅުއްވާފައިވާ މިންވަރު
* ޒަކާތާއި ޞަދަޤާތް ދިނުމާ ގުޅޭ އަދަބުތަކާއި ޞަދަޤާތްދީ އުޅޭ މީހުންގެ ސިފަތައް
* ޒަކާތުގެ ޙުކުމްތަކުގެ ޚުލާޞާ
އެމްޕަވަރިންގ ސަސްޓެއިނަބަލް ފިއުޗަރސްއިންކްލޫޝަން، އިނޮވޭޝަން އެންޑް އިންޓެލިޖެންސް މި ޝިޢާރުގެ ދަށުން ބާއްވާ މި އެކްސްޕޯގައި ކޮމާޝަލް ބޭންކުތަކާއި، އިންޝުއަރެންސް ކުންފުނިތަކާއި، ފައިނޭންސް ޚިދުމަތްދޭ ފަރާތްތަކާއި، ޤާނޫނީ ނިޒާމު ބަލަހައްޓާ އިދާރާތަކާއި ސަރުކާރުގެ މުހިންމު އިދާރާތަކުން ބައިވެރިވެއެވެ.
ގުޅުން ހުރި ޙަބަރުތައް
ދެކުނު އެފްރިކާގައި ބޭރުމީހުންނާ ދެކޮޅަށް ކުރި މުޒާހަރާތަކުގައި 900 އަށްވުރެ ގިނަ މީހުން ހައްޔަރުކޮށްފި!
ގަޑިއިރެއް ކުރިން
ބޯޑަރު ހުރަސްކުރަން ދިއުމުން އަންނައުނު ބާލުވައި އަނިޔާކޮށްފި!
2 ގަޑިއިރު ކުރިން
އެމެރިކާގެ މަންދޫބުން ދޯހާގައި މެދުވެރިންނާ ބައްދަލުކުރެއްވި ނަމަވެސް، އީރާނުގެ އޮފިޝަލުންނާ ބައްދަލެއް ނުކުރައްވާނެ: ގަތަރު
2 ގަޑިއިރު ކުރިން
ފަލަސްޠީނަށް ރާއްޖެއިން 50،000 ޑޮލަރުގެ އެހީ ދެނީ
4 ގަޑިއިރު ކުރިން
.gif&w=3840&q=75)