ވީއައިއޭގެ މަގު މަރާމާތު ކުރާތީ ބަސް ރޫޓުތަކަށް ބަދަލުތަކެއް ގެނެސްފި

ވެލާނާ އިންޓަނޭޝަނަލް އެއާޕޯޓު ވީއައިއޭ ގެ މަގުތައް މަރާމާތު ކުރުމުގެ މަސައްކަތް ކުރިއަށްދާތީ، އެމްޓީސީސީން ފޯރުކޮށްދޭ ބަހުގެ ހިދުމަތުގެ ރޫޓުތަކަށް ވަގުތީ ބަދަލުތަކެއް ގެނައުމަށް ނިންމައިފިއެވެ.

އެމްޓީސީސީން ހާމަކޮށްފައިވާ ގޮތުގައި، މިއަދުން ފެށިގެން މި މަހުގެ 13 ވަނަ ދުވަހުގެ ނިޔަލަށް، ކޮންމެ ދުވަހަކު ފަތިހު 05:00 އިން ރޭގަނޑު 23:30 އަށް ވީއައިއޭގެ ޓާމިނަލް 2 ސަރަހައްދުގެ މަގު ބަންދުކުރުމަށް ވަނީ ހަމަޖެހިފައެވެ.

އެހެންކަމުން، މި މުއްދަތުގެ ތެރޭގައި އާރްޓީއެލް އެއާޕޯޓް ބަސްތަކަށް ފަސިންޖަރުން އަރުވާ ބާލާނީ، އާންމުކޮށް ބަސް ހުއްޓާ ސަރަހައްދުގެ ބަދަލުގައި ހުޅަނގު ފަރާތު ޕާކިން ސަރަހައްދުންނެވެ.

މި ބަދަލާ ގުޅޭ އިތުރު މައުލޫމާތު އެ ކުންފުނީގެ ހޮޓްލައިން 1650 އަށް ގުޅުއްވުމަށް ލިބޭނެ ކަމަށްވެސް އެމްޓީސީސީން ވަނީ ބުނެފައެވެ.