ހިޔާ ފްލެޓް ތަކުގެ ހިދުމަތް ހަރުދަނާ ކުރުމަށް ސަރވޭ އެއް ކުރަނީ

ހިޔާ ފްލެޓްގައި ދިރިއުޅެމުން ގެންދާ ފަރާތްތަކަށް ދެމުންއަންނަ ހިދުމަތްތައް ހަރުދަނާކޮށް އިތުރަށް ރަނގަޅު ކުރުމުގެ ގޮތުން ހިޔާ ޓަވަރ ތަކުގައި ދިރިއުޅޭ ފަރާތްތަކަށް ސަރވޭ އެއް ކުރިއަށް ގެންދިއުމަށް އެޗްޑީސީން ނިންމައިފިއެވެ.

ނީ 27 ފެބްރުއަރީ އިން 6 މާރޗްގެ ނިޔަލަށް ކުރިއަށް ގެންދިއުމަށް ހަމަޖެހިފައިވާ ސަރވޭއަށް މައުލޫމާތު އެއްކުރުމަށް ހަމަޖެހިފައި ވަނީ ފްލެޓްތަކަށް ޒިޔާރަތްކޮށްގެންނާއި އޮންލައިން ފޯމެއް ފުރައިގެންނެވެ. އަދި މި ސަރވޭ ގައި، އާމްދަނީ، ހަރަދު، ކޭޝް ކަރޑް، އަދި ބެންކް އެކައުންޓް ފަދަ އަމިއްލަ މައުލޫމާތުތައް ނާހާނެކަމުގެ ޔަގީންކަން އެޗްޑީސީން ދެއެވެ.

މި ސަރވޭ އަށް ބޭނުންވާ އިތުރު މައުލޫމާތު ސާފު ކުރަން ޖެހިއްޖެ ހާލަތެއްގައި އެޗްޑީސީގެ ރަސްމީ ނަންބަރަށް ގުޅައިގެން އެ މައުލޫމާތު ސާފުކުމަށް އެޗްޑީސީން އެދެއެވެ.

ސަރވޭ ކުރިއަށް ގެންދާއިރު އެޗްޑީސީގެ މުވައްޒަފުން ތިބޭނީ އެޗްޑީސީ ގެ މުވައްޒަފެއްކަން އަންގައިދޭ ކާޑު އަޅައިގެންނެވެ.

މި ސަރވޭ އާއި ގުޅިގެން އެއްވެސް ޝަކުވާ އެއް ނުވަތަ މައުލޫމާތެއް ސާފުކުރަން ބޭނުންވާނަމަ އެޗްޑީސީ ގެ ސެންޓަރ 1516 އަށް ގުޅައިގެން އެކަން ކުރިއަށް ގެންދެވޭނެކަމަށްވެސް އެޗްޑީސީން މައުލޫމާތު ދެއެވެ.

ހިޔާ ފްލެޓްގައި ދިރިއުޅެމުން އަންނަ ފަރާތްތަކަށް ލުއި ފސޭހަކޮށްދީ ހިދުމަތައް ހަރުދަނާކުރުމުގެ ގޮތުން ހިޔާ އެޝްޑީސީން މުހިއްމު ގިނަ މަސައްކަތަކެއް ކުރަމުން އަންނަކަން ފާހަގަ ކޮށްލެވެއެވެ.