މެދުއިރުމަތީގެ މުސްލިމުންގެ ބިންތަކަށް އަތްގަދަ ކުރާތީ އަރަބިން ނުރުހުން ފާޅުކޮށްފި

މެދުއިރުމަތީގެ މުސްލިމުންގެ ބިންތަކަށް ޔަހޫދީން އަތްގަދަ ކުރަމުންދާތީ އަރަބި ގައުމުތަކުން ކަންބޮޑުވުން ފާޅުކޮށްފި އެވެ.

ޔަހޫދީ އިޒްރެއިލުން މިވަގުތު ދަނީ މުސްލިމުންގެ އެންމެ މުގައްދަސް އެއް ބިން ކަމުގައިވާ ފަލަސްތީނުގެ ބިންތައް ގަދަކަމުން ފޭރިގަނެ އަތްގަދަ ކުރަމުންނެވެ. ޔަހޫދީން މިހާރު ކުރަމުން ގެންދަނީ ފަލަސްތީނުގެ ބިންތައް ޔަހޫދީންނަށް ރަޖިސްޓރްީ ކުރުމުގެ މަރުހަލާތަކެކެވެ.

ފަލަސްތީނުގެ މުސްލިމުން އަތުން ޔަހޫދީން ބިންތައް ފޭރިގަނެ ފަލަސްތީނުގެ ރައްޔިތުންގެ އަތުން ރައްޔިތު ކަންވެސް ފޭރިގަނެ އެތަކެއް މުސްލިމުން މަރަމުން އަންނަ އިރު މި ނުބައި ރޭވުމުގެ އެންމެ އަޑީގައި ހުރީ އެމެރިކާގެ ރައީސް ޑޮނަލް ޓްރަމްޕް ކަން އެނގެ އެވެ.

ޔަހޫދީންނާއި އެމެރިކާގެ މި ނިންމުމުގެ ސަބަބަުން މިޞްރު، ޢުރުދުން އަދި ސަޢޫދީ ޢަރަބިއްޔާގެ އިތުރުން އޮގަނައިޒޭޝަން އޮފް އިސްލާމިކް ކޯޕަރޭޝަން (އޯއައިސީ) އަދި ޢަރަބި ލީގުން ވަނީ ބަޔާންތައް ނެރެފައެވެ.