މަރުވެފައި އޮތް މީހެއްގެ ހަށިގަނޑު ކަނޑުމަތިން ފެނިއްޖެ

މަރުވެފައި އޮތް މީހެއްގެ ހަށިގަނޑު ކަނޑުމަތިން ފެނިއްޖެއެވެ.

މި މީހާގެ ހަށިގަނޑު ފެނިފައިވަނީ، ވ.އަތޮޅު ކަނޑުތެރެއިންނެވެ.

އެ ހަށިގަނޑުގެ ފޮޓޯއަކާއެކު ކުރި ޓްވީޓެއްގައި މީހަކު ބުނިގޮތުގައި އެ ސަރަހައްދަކީ އަކްއާ ސޭންޑް ބޭންކްގެ ބޭރެވެ.

pic.twitter.com/t84ivknheK

— AmithAli 🇮🇹🇲🇻 (@AmithAli) January 2, 2023

މިކަން ފުލުހުންވެސް ކަށަވަރު ކޮށްދެއްވާފައިވާއިރު، ފުލުހުން ވިދާޅުވީ ވ.އަތޮޅު ވެމްޕަރުފަޅު ހުޅަނގު އުތުރު ކަނޑުން އިންސާނެއްގެ ހަށިގަނޑު ފެނިގެން މިއަދު 9:03 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

މަރުވެފައި އޮތް މީހަކު ކަނޑުތެރެއިން ފެނިފައިވާއިރު، ޑިސެމްބަރު 28 ވަނަ ދުވަހުގެ ރޭ ވިލިމާލެ ފުރައިގެން ދަތުރުކުރަނިކޮށް ގެެއްލުނު ދެމީހުން އަދިވެސް ނުފެނެއެވެ. ނަމަވެސް އެމީހުން ދަތުރު ކުރި ބޯޓު ވަނީ ފެނިފައެވެ.

މި ބޯޓު ފެނިފައިވަނީ ޑިސެމްބަރު 29 ވަނަ ދުވަހުގެ ރޭ، އެއަރޕޯރޓް ނެރު ކައިރިން އޮޔާދަނިކޮށް ކަމުގައި ފުލުހުން ހާމަކުރެއެވެ.

މި ބޯޓުން ދަތުރުކޮށްފައިވަނީ ގދ. ތިނަދޫ/މުނާރު މުހައްމަދު ނިޒާމް 45އ އާއި ބަންގްލަދޭޝް ރައްޔިތެއް ކަަމަށްވާ މޮހައްމަދު ލިޓަން 35އ. އެވެ.

ފުލުހުން ބުނީ ފެނިފައި ވަނީ ހުސް ބޯޓު ކަމަށެވެ. އަދި ގެއްލިގެން ހޯދަމުންދާ މީހުން ނުފެންނަ ކަމަށް ފުލުހުން ބުނެއެވެ.

މިކަމާއި ފުލުހުން އިތުރު މައުލޫނާތެއް ހާނަކޮށްފައެއް ނުވެއެވެ.

އިތުރު ތަފްސީލް އަންނަނީ……