އެސްޓީއޯ މެދުވެރިކޮށް ހެލްތު މިނިސްޓްރީން ރާއްޖެ ގެނައި އެމްބިއުލާންސްތަކެއް ---
އެސްޓީއޯ މެދުވެރިކޮށް އިތުރު 20 އެމްބިއުލާންސް ގެންނަނީ
މުޙައްމަދު މުއައްވަޒު - 10 އޭޕްރީލު 2023 - 05:13
އިތުރު 20 އެމްބިއުލާންސް ގެނައުމަށް ހެލްތު މިނިސްޓްރީން ސްޓޭޓް ޓްރޭޑިންގ އޯގަނައިޒޭޝަން (އެސްޓީއޯ) އާ ހަވާލުކޮށްފި އެވެ.
ރާއްޖޭގެ ސިއްހީ ދާއިރާއަށް ބޭނުންވާ މި އެމްބިއުލާންސް ގެނައުމުގެ އެއްބަސްވުމުގައި ހެލްތު މިނިސްޓްރީގެ ފަރާތުން ސޮއިކުރެއްވީ މިނިސްޓަރ އޮފް ސްޓޭޓް ފޮރ ހެލްތު އަޙްމަދު ޢާދިލް އެވެ. އަދި އެސްޓީއޯގެ ފަރާތުން މި އެއްބަސްވުމުގައި ސޮއިކުރެއްވީ މެނޭޖިން ޑިރެކްޓަރ އަބްދުﷲ ސަޢީދުއެވެ.
އެސްޓީއޯއިން ބުނެފައިވާގޮތުގައި 90 ދުވަހުގެ ތެރޭގައި 20 އެމްބިއުލާންސް ގެނެސް ހެލްތު މިނިސްޓްރީއާ ހަވާލުކުރާނެ އެވެ.
ހެލްތު މިނިސްޓްރީން ވަނީ މީގެ ކުރިންވެސް އެސްޓީއޯ މެދުވެރިކޮށް 96 އެމްބިއުލާންސް ގެނެސްފައެވެ. އެ އެމްބިއުލާންސްތައް ވަނީ ރާއްޖޭގެ އެކި ރަށްރަށަށް ފޮނުވައި ބޭނުންކުރަން ފަށާފައެވެ.
ގުޅުން ހުރި ޙަބަރުތައް
