ތިން ރަށެއްގައި ހޮސްޕިޓަލް އެޅުމަށް 501 މިލިއަން ރުފިޔާ

އަތޮޅުތެރޭ ތިން ރަށެއްގެ ހޮސްޕިޓަލް އެޅުމަށް 501 މިލިޔަން ރުފިޔާ އެކި ކުންފުނިތަކާ ހަވާލުކޮށްފިއެވެ.

ހެލްތު މިނިސްޓްރީން އެ މަސައްކަތް ހަވާލު ކުރީ ޅ. ހިންނަވަރު، ނ. ކެނދިކުޅުދޫގެ އިތުރުން ހއ. އިހަވަންދޫގައި ހޮސްޕިޓަލް އެޅުމަށެވެ.

މި މަހުގެ ވަނަ ދުވަހު ހިންނަވަރު ނ. ކެނދިކުޅުދޫގައި ހޮސްޕިޓަލް އެޅުމަށް ސަސް އީ ކޮންސްޓްރަކްޝަން ނަމަކަށް ކިޔާ ކުންފުންޏަކާ ވަނީ ހަވާލުކޮށްފައެވެ.

ހެލްތު މިނިސްޓްރީން އިއްޔެ ވަނީ އިހަވަންދޫގައި ހޮސްޕިޓަލެއް އެޅުމަށް ޑުޕްލެކްސް ނަމަކަށް ކިޔާ ކުންފުންޏަކާ ހަވާލުކޮށްފައެވެ.

ހިންނަވަރު ހޮސްޕިޓަލާއި ކެނދިކުޅުދޫ ހޮސްޕިޓަލް ބައެއްގެ އިތުރުން އެކޮމޮޑޭޝަން އިމާރާތެއް ހަދާނެއެވެ.

ކޮންޓްރެކްޓަ ފައިނޭންސްގެ އުސޫލުން އިހަވަންދޫ ހޮސްޕިޓަލް ހަދަން ހަވާލުކުރީ 123،303،792ރ. އަށެވެ. ހިންނަވަރު ހޮސްޕިޓަލަށް ހަރަދުކުރަނީ ބީއެމްއެލް އިން ދޫކުރާ 185،810،605ރ. ގެ ލޯނަކުންނެވެ. އަދި ކެނދިކުޅުދޫ ހޮސްޕިޓަލަށް ބީއެމްއެލް އިން 193،895،234ރ. ގެ ލޯނެއް ދޫކުރާނެއެވެ.

މި ތިން ހޮސްޕިޓަލުގެ މަސައްކަތް 18 މަސް ދުވަހުގެ ތެރޭގައި ނިންމަން ޖެހެއެވެ.