ހޯމްލޭންޑް ސެކިއުރިޓީ މިނިސްޓްރީގެ ސްޓޭޓް މިނިސްޓަރު ޔޫސުފް އަބްދުލްގަފޫރު (ޔޫސޭ) މަގާމުން ވަކިކޮށްފިއެވެ.
އަސްލު ޓީވީއަށް މައުލޫމާތު ލިބޭގޮތުގައި އޭނާ ވަކިކޮށްފައިވަނީ މިދިޔަ ބުރާސްފަތި ދުވަހުއެވެ.
ޔޫސުފް ވަނީ ކުޜިގެ ރައީސުލްޖުމްހޫރިއްޔާ އަބްދުﷲ ޔާމީންގެ ވެރިކަމުގައި ހޯމް މިނިސްޓްރީގެ ސްޓޭޓް މިނިސްޓަރުކަންވެސް ކުރައްވާފައެވެ.
އޭނާއަކީ ރައްޔިތުންގެ މަޖިލީހުގައި ގަމު ދާއިރާގެ މެމްބަރުކަންވެސް ކުރިން ކުރައްވާފައިވާ ބޭފުޅެކެވެ.ހަރަދު ކުޑަކުރުމަށް ސަރުކާރުގަިއ ތިބި ސިޔާސީ މީހުންގެ އަދަދު މަދުކުރުމަކީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ވައުދުފުޅެކެވެ. އަދި މި ސަރުކާރުގައި ސިޔާސީ މުވައްޒަފުންގެ އަދަދު 700 އަށްވުރެ އިތުރު ނުވާނެ ކަމަށް ވިދާޅުވެފައިވެއެވެ.
