މިއަހަރުގެ މިހާތަނަށް 2،000 އަށް ވުރެ ގިނަ މީހުންނަށް ފާނަބަސަންދު ޖެހިގެން ރިޕޯޓު ކޮށްފައިވާ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ބުނެފިއެވެ.
އެޗްޕީއޭއިން ބުނީ މިއަހަރުގެ ނޮވެމްބަރު މަހުގެ ނިޔަލަށް ފާނަބަސަންދު ގެ ޖުމްލަ 2،977 ކޭސް ރިޕޯޓު ކޮށްފައިވާ ކަމަށެވެ.
އެ އޭޖެންސީން ބުނީ ފާނަބަސަންދުގެ ކޭސްތައް އާންމުކޮށް ރާއްޖޭގެ އެކި ހިސާބުތަކުން ކޮންމެ އަހަރަކުވެސް ރިޕޯޓް ކުރާ ކަމަށާ އަހަރުގެ މިހާތަނަށް މާލެ ސަރަހައްދުން ރިޕޯޓު ކޮށްފައިވަނީ 1،506 ކޭސް ކަމަށެވެ. އަދި އަތޮޅުތަކުން ފާނަބަސަންދުގެ 1،471 ކޭސް ރިޕޯޓު ކޮށްފައިވާ ކަމަށް ވެސް އެޗްޕީއޭއިން ބުނެއެވެ.
މި އަހަރުގެ ނޮވެމްބަރު މަހު އެކަނި ވެސް ކ.ގުޅިން ފާނަބަސަންދުގެ 11 ކޭސް ރިޕޯޓު ކޮށްފައިވާކަން ފާހަގަކޮށް އެޗްޕީއޭއިން ބުނީ މީގެތެރެއިން ދެ މީހަކަށް އެޑްމިޓުކޮށްގެން އައިޖީއެމްއެޗުގައި ފަރުވާދެމުންދާ ކަމަށެވެ.
ފާނަ ބަސަންދަކީ ވައިރަހެއްގެ ސަބަބުން ޖެހޭ ވަރަށް ފަސޭހައިންގައިން ގަޔަށް އަރާ ބައްޔެކެވެ.
ބަލިމީހާގެ ގައިން ބިހިނަގަން ފެށުމުން އޭނާގެ ގައިގަ މީހުންނާއިއޭނާ ބޭނުންކޮށްފައި ހުންނަ ތައްޓާއި ތުވާއްޔާއި އަންނައުނު ފަދަ ތަކެތި ބޭނުން ކުރުމުން ނުވަތަ ބީހުމުން ވެސް މި ބަލި ޖެހުމުގެ ފުރުސަތު އޮންނައިރު، އެ ބިހިތައް ފަސޭހަވެ ކުރަމަގާލި ލާންދެން އެ ބަލި އެކެއްގެ ގައިން އަނެކެއްގެ ގަޔަށް ފެތުރުމުގެ ފުރުސަތު އޮވެއެވެ.
