ފްލައިޓް ތެރޭގައި ހަމަނުޖެހުން ހިންގި ދިވެއްސަކު ފުލުހުން ހައްޔަރުކޮށްފި

ބަޓިކް އެއާގެ ފްލައިޓަކުން ރާއްޖެ އައި މީހަކު ހަމަނުޖެހުން ހިންގައިގެން ފުލުހުން ހައްޔަރުކޮށްފި އެވެ.

ފުލުހުން ބުނީ ބަޓިކް އެއާގެ ފްލައިޓަކުން ދަތުރުކުރި މީހަކު ހައްޔަރު ކޮށްފައިވާ ކަމަށާއި ހައްޔަރުކޮށްފައި ވަނީ ދިވެހި ފިރހެނެއް ކަމަށެވެ.

ފްލައިޓެއްގެ ތެރޭގައި ހަމަނުޖެހުން ހިންގައި އަޑުގަދަ ކޮށް ޒުވާބު ކުރުމަކީ ކުށެކެވެ.

މި ކަމަކީ އާންމު ގޮތެއްގައި ދިވެހިރާއްޖޭގައި ނުވަތަ ދިވެހިންގެ ތެރޭގައި ނުފެންނަ މަންޒަރެއްކަން ވެސް ފާހަގަ ކޮށްލެވެ އެވެ.

މި ކަމާއި ގުޅިގެން ކހައްޔަރުކުރި މީހަކީ ކޮން ރަށެއްގެ ކާކު ކަމެއް އަދި އެ މީހާ އަށް ކިޔަނީ ކޮން ނަމެއް ކަމެއް ފުލުހުން ހާމަކޮށްފައެއް ނުވެ އެވެ.

މި މައްސަލައިގައި ކަން ހިނގި ގޮތް ބަލައި މައްސަލަ ތަހުގީގު ކުރަމުން އަންނަ ކަމަށް ފުލުހުން ވަނީ ބުނެފަ އެވެ.