ދިއްދޫ ބިން ހިއްކު ކުރިއަށް- 21 ހެކްޓަރު ހިއްކައިފި

ހއ.ދިއްދޫ ބިން ހިއްކުން ބާރު ސްޕީޑްގައި ކުރިއަށްދާ ކަމަށް މޯލްޑިވްސް އެއާޕޯރޓްސް ކޮމްޕެނީ ލިމިޓޭޑް އެމް އޭސީއެލް އިން ބުނެފި އެވެ.

އެމްއޭސީއެލް އިން ބުނީ މިހާތަނަށް 21 ހެކްޓަރުގެ ބިން ހިއްކާފައިވާ ކަމަށެވެ.

އެމްއޭސީއެލް އިން ކުރިއަށްގެންދާ މި ޕްރޮޖެކްޓުގައި ދިއްދޫ އިން 110 ހެކްޓަރުގެ ބިން ހިއްކަން ވަނީ ހަމަޖެހިފަ އެވެ. މިއީ ދިއްދޫގެ މިހާރުގެ ބިމަށް ވުރެ ބޮޑު ސަރަހައްދެކެވެ. ހިއްކާ ބިން ބޭނުންކުރާނީ ބޯހިޔާވަހިކަމުގެ މަޝްރޫއު ހިންގުމާއި ދިއްދޫގައި އެއާޕޯޓް އެޅުމަށެވެ.

ދިއްދޫގެ ބިން ހިއްކުމުގެ މަސައްކަތުގެ ތެރެއިން މިހާތަނަށް 21 ހެކްޓަރުގެ ބިން ހިއްކާފައިވާއިރު، އެއީ އެ މަޝްރޫއުގެ %18.75 ކަމަށެވެ.