ސްޓެލްކޯގެ މުވައްޒަފުން އަބަދުވެސް ދައްކައިދެނީ ކެތްތެރިކަމާއި އޯގާތެރިކަމާއި ޒިންމާދާރުކަން ކަމަށް ސްޓެލްކޯގެ މެނޭޖިންގް ޑިރެކްޓަރ ހުސެއިން ފަހުމީ ވިދާޅުވެއްޖެއެވެ.
ހުސެއިން ފަހުމީ މިހެން ވިދާޅުވީ އޮމަދޫގައި ސްޓެލްކޯގެ މުވައްޒަފުން ނިކުމެ ރަށުގެ ފެންބޮޑުވާ މަގުތަކުގައި ފެން ހިންދުމުގެ ގޮތުން ޖަންކްޝަން ހެދުމަށް ކޮށްފައިވާ މަސައްކަތް ފާހަގަކޮށް "އެކްސް" ގައި ކުރެއްވި ޓްވީޓެއްގައެވެ.
މިފަދަ މަސައްކަތްތަކުގައި ސްޓެލްކޯގެ ފަރާތުން ލިބޭ އެހީތެރިކަމަށް ފަހުމީ ވަރަށް ބޮޑަށް ޝުކުރު ދަންނަވާފައި ވެއެވެ.
ފަހުމީ ވިދާޅުވީ ސްޓެލްކޯގެ އަމާޒަކީ ހަކަތަ ފޯރުކޮށްދިނުމުގެ މަސައްކަތަށްވުރެ އިތުރަށް ކުރިއަށް ދާ މަސައްކަތެއް ކަމަށެވެ.
ސްޓެލްކޯގެ މުވައްޒަފުން ކުންފުންޏަށް ކޮށްދޭ ޚިދުމަތުގެ އަގު ވަޒަންކުރެވޭ ކަމަށާއި ސްޓެލްކޯ ޓީމުގެ ކޮންމެ މެމްބަރަކު ކުރާ ބުރަ މަސައްކަތް ފާހަގަކޮށްފައިވެއެވެ. އަދި އެ މަސައްކަތްތައް އަބަދުވެސް ބަލައިގަންނާނެ ކަމަށް ވިދާޅުވިއެވެ.
