logo

އަޖޭގެ "ރެއިޑު 2" ގެ ޓީޒަރ ދައްކާލައިފި

profile

އައިޝަތު އިބްރާހިމް - 31 މާރިޗު 2025 - 16:12

ބޮލީވުޑްގެ މަޝްހޫރު ތަރި އަޖޭ ދޭވްގަންގެ ފިލްމު "ރެއިޑު 2" ގެ ޓީޒަރ ދައްކާލައިފިއެވެ.

https://wamco.com.mv/

"ރެއިޑް 2" އަކީ ރާޖް ކުމާރު ގުޕްތާ ޑައިރެކްޓްކުރާ ކްރައިމް ތުރިލާ ފިލްމެކެވެ. ފިލްމްގެ ކާސްޓުންގެ ތެރޭގައި އަޖޭ ދޭވްގަން، ރިތޭޝް ދޭޝްމުކް އަދި ވާނީ ކަޕޫރު ހިމެނެއެވެ. "ރެއިޑް 2" އަކީ 2018 ގައި ރިލީޒްކުރި ރެއިޑްގެ ސީކުއެލްއެކެވެ. "ރެއިޑް 2" އަކީ ޚުދުމުޚުތާރު އެހެން ކުށެއް ޓްރެކް ކުރާ އައިއާރުއެސް އޮފިސަރު އަމޭ ޕަޓްނާޔަކް އެނބުރި އަންނަ ފިލްމްގެ ގޮތުގައި ފެނިގެންދާ ފިލްމެއް ކަމަށް ބޮލީވުޑްގެ ޚަބަރުތައް ގެނެސްދޭ ނޫސްތަކުން ރިޕޯޓްކޮށްފައިވެއެވެ.

"ރެއިޑު 2"ގެ ވާހަކަވެސް ބިނާވެފައިވަނީ ބާރުވެރިކަމުގެ ސަބަބުން ހިންގާ ކޮރަޕްޝަންތަކުގެ މައްޗަށެވެ. އެގޮތުން މި ފިލްމުގައި އަޖޭ މަސައްކަތް ކުރާނީ ވަރަށް ބާރުވެރި ފަރާތަކުން ހިންގަމުންދާ ކޮރަޕްޝަން މައްސަލަތައް ތަހުޤީޤުކޮށް، އެކަންތައް ހާމަ ކުރުމަށެވެ. އަދި އެ ކޮރަޕްޝަންތަކުގެ ސަބަބުން ގެއްލުންވި ފަރާތްތަކަށް އިންސާފު ހޯދައި ދިނުމަށެވެ.

މި ފިލްމު އިޢުލާންކުރީ 2020 ވަނަ އަހަރުގެ އޭޕްރީލް މަހުގެ ތެރޭގައެވެ. ފިލްމްގެ ޕްރީ ޕްރޮޑަކްޝަން ފަށާނީ 2022 ވަނަ އަހަރުގެ އޮގަސްޓް މަހުގެ ތެރޭގައެވެ. 2024 ވަނަ އަހަރުގެ ފުރަތަމަ ހަފުތާގައި މުމްބާއީ، ރާޖަސްތާން، އުއްތަރަ ޕްރަދޭޝް އަދި ދިއްލީގައި ފިލްމްގެ ޝޫޓިންތައް ކުރިއަށް ގެންގޮސްފައެވެ.


ރާޖް ކުމާރު ގުޕްތާ ޑައިރެކްޓްކޮށް، ބުޝަން ކުމާރު ކްރިޝަން ޕްރޮޑިއުސްކޮށްފައިވާ މި ފިލްމް ރިލީޒްކުރުމަށް ހަމަޖެހިފައިވަނީ 1 މެއި 2025 ގައެވެ.

https://etukuri.mv/
https://eportal.mwsc.com.mv/e-pay