ބާޒާރުގައި ތަކެތީގެ އަގު ހިފެހެއްޓިފައި!

ރަމަޟާންމަސް ފެށިގެން މިހާތަނަށް އައިއިރު ބާޒާރުގައި އެންމެ އަގު ބޮޑުކަމަށް ފާހަގަކުރެވެނީ ކަށިކޭލެވެ.

ޒަމާނުންސުރެ ކަށިކޭލަކީ ރާއްޖޭގެ ރަށްރަށުން ތިޔާގިކޮށް ލިބެމުން އައި އެއްޗެއް ނަމަވެސް މިހާރު ކަށިކޭލަކީ ގިނަ ރަށްރަށުގައި ތަދު އެއްޗެކެވެ. ކުރިން ކަށިކެޔޮގަސް ހުރި ބައެއް ރަށްރަށުގައި މިހާރު ކަށިކެޔޮގަސް ނުހުރެއެވެ.

ބާޒާރުގައި ކަށިކެޔޮގަނޑެއް އުޅެނީ 500 ރުފިޔާ އަށެވެ.

ރޯދަމަސް ފެށުނު ފަހުން ބާޒާރުގެ އަގުތަކަށް މާބޮޑު ބަދަލެއް އައިސްފައެއް ނުވެއެވެ. ނަމަވެސް ބައެއް ބާވަތްތަކުގެ އަގު، މީގެ ދުވަސްތަކެއް ކުރީއްސުރެ ދަށަށް އަންނަކަން ވަނީ ފާހަގަކުރެވިފައެވެ.

ދޮންކޭލުގެ އިތުރަށް ކަރާ، ފަޅޯ، ޖުމްހޫރީ މޭވާ ތިޔާގިއެވެ. ނިމިދިޔަ ހަފްތާއާއި އަޅާބަލާއިރު ތަކެތީގެ އަގުތަކަށް މާބޮޑު ބަދަލެއް އައިސްފައެއް ނުވެއެވެ.

ބާޒާރުގެ އަގުތައް:

މިރުސް ކިލޯއެއް - 125 ރުފިޔާ

ލުނބޯ ކިލޯއެއް - 65 ރުފިޔާ

ކާށި - 35-40 ރުފިޔާ

ހިނކަދި ފަތް ބޮޑިއެއް - 10 ރުފިޔާ

ބަށި ކިލޯއެއް - 70 ރުފިޔާ

ކިއުކަންބާ ކިލޯއެއް - 40 ރުފިޔާއާއި 60 ރުފިޔާ ދޭތެރޭގައި

ކެރެޓް ކިލޯއެއް - 40 ރުފިޔާ

ބަރަބޯ ކިލޯއެއް - 25 ރުފިޔާ

އާފަލު - 5 ރުފިޔާ 6 ރުފިޔާ ދޭތެރޭގައި

އޮރެންޖު - 5 ރުފިޔާ 8 ރުފިޔާ ދޭތެރޭގައި

ގްރޭޕްސް ކިލޯއެއް - 150 ރުފިޔާ

ދޮންކެޔޮ ކިލޯއެއް - 100 ރުފިޔާ

ބޮޑު ލުނބޯ ކިލޯއެއް - 80 ރުފިޔާ

ކުރުނބާ - 25-30 ރުފިޔާ

ޖުމްހޫރީ މޭވާ ކިލޯއެއް - 100 ރުފިޔާ

ފަޅޯ ކިލޯއެއް - 40 ރުފިޔާ

އަނބު ކިލޯއެއް - 120 ރުފިޔާ

ކަށިކޮޔޮ ގަނޑެއް - 500 ރުފިޔާ

ލޮނުމެދު ކިލޯއެއް - 85 ރުފިޔާ

އަލުވި ކިލޯއެއް - 25 ރުފިޔާ

ފިޔާ ކިލޯއެއް - 25 ރުފިޔާ

މިއަދު ބާޒާރުމަތީގެ ތަކެތި ތިޔާގިކަން ފާހަގަ ކޮށްލެވެއެވެ.

ވިޔަފާރިވެރިން ބުނި ގޮތުގައި ތަރުކާރީއާއި މޭވާ އަދި ކާބޯތަކެތީގެ އެހެން ބާވަތްތައް ލިބުމުގައި މާބޮޑު ދަތިކަމެއް މިހާރު ނެތެވެ.