ބައެއް ސްކޫލްތަކުގެ މުދައްރިސުންނާއި އެޑިއުކޭޝަން މިނިސްޓަރ ބައްދަލުކުރައްވައިފި

ބައެއް ސްކޫލްތަކުގެ މުދައްރިސުންނާއި އެޑިއުކޭޝަން މިނިސްޓަރ ޑރ އިސްމާއިލް ޝަފީއު ބައްދަލުކުރައްވައިފިއެވެ.

މިނިސްޓަރ ވަނީ ހުޅުމާލޭގެ 3 ސްކޫލެއްގެ މުދައްރިސުންނާއި ބައްދަލުކުރައްވާފައެވެ. އެގޮތުން ރެހެންދި ސްކޫލް، މުޙައްމަދު ޤާސިމް ޕްރީސްކޫލް, އަދި ޣާޒީ ސްކޫލްގެ މުދައްރިސުންނާ މިނިސްޓަރ ވަނީ ބައްދަލުކުރައްވާފައެވެ.

މުދައްރިސުންނާ ބައްދަލުކުރެއްވުމަށް ރެހެންދި ސްކޫލްގައި ބޭއްވި ޖަލްސާގައި މިނިސްޓްރީން ކުރިއަށްގެންދާ މުހިންމު މަސައްކަތްތަކުގެ މަޢުލޫމާތު މުދައްރިސުންނާ ހިއްސާކުރައްވައި މުދައްރިސުން ކުރަމުންގެންދަވާ ބުރަ މަސައްކަތަށް މިނިސްޓަރ ވަނީ ޝުކުރު އަދާކުރައްވާފައެވެ.

ޕޮލިސީތަކާ ގުޅޭގޮތުން މުދައްރިސުންނަށް ދިމާވާ ގޮންޖެހުންތައް އޮޅުންފިލުއްވައި، މުދައްރިސުންގެ ނަފްސާނީ ދުޅަހެޔޮކަމާ ފަންނީ ތަރައްޤީއަށް ކުރެވިދާނެ ކަންކަމާ ގުޅޭގޮތުން ވަނީ މަޝްވަރާކޮށްފައެވެ.

މި ބައްދަލުވުމުގައި މިނިސްޓަރގެ އިތުރުން މިނިސްޓްރީގެ އިސްވެރީން ބައިވެރިވެ ވަޑައިގެންނެވިއެވެ.