ސައިކަލެއް ކަހާލައި ނުރައްކާތެރި އެކްސިޑެންޓެއް ހިނގައިފި

ބްރިޖް ހައިވޭ މާލެއިން ހުޅުމާލެ އަށް ދަތުރުކުރާ ފަަޅީގައި ސައިކަލެއް ކަހާލައިގެން ނުރައްކާތެރި އެކްސިޑެންޓެއް ހިނގައިފިއެވެ.

މި އެކްސިޑެންޓްގެ މައުލޫމާތު ރިޕޯޓްކޮށްފައިވަނީ އޮކްޓޯބަރު 8 ވަނަ ދުވަހު (މިއަދު) ހަވީރު 16:55 ގައި ކަމަށް ފުލުހުން ވަނީ ބުނެފައެވެ.

މި އެކްސިޑެންޓް ހިނގަން މެދުވެރިވީ ސައިލަކެއް ކަހާލައިގެން ވެއްޓުނު ވަގުތު ފަހަތުން އައި އެހެން ސައިކަލެއްގައި ޖެހިގެން ކަމަށް ފުލުހުން ވަނީ ބުނެފައެވެ.

މި އެކްސިޑެންޓްގައި 3 މީހަކަށް އަނިޔާވެފައިވާއިރު އެމީހުންނަށް ޓްރީޓޮޕް ހޮސްޕިޓަލްގައި ދަނީ ފަރުވާ ދެމުންނެވެ.

މި އެކްސިޑެންޓްގައި އަނިޔާވި އަންހެނެއްގެ އަތް ބިންދައިގެން ގޮސް އިތުރު އަނިޔާ ވެފައިވާ ކަަމަށް ފުލުހުން ވަނީ ބުނެފައެވެ.

މި މައްސަލަ ފުލުހުން ދަނީ ތަހުގީގު ކުރަމުންނެވެ.