މުދާ އުފުލާ ބޯޓެއްގައި ބޮޑު އަލިފާނުގެ ހާދިސާއެއް

ނ. ހޮޅުދޫގެ މުދާ އުފުލާ ބޯޓެއްގައި މިރޭ ވަރަށް ބޮޑަށް ރޯވެ، ފަޔަރ ފައިޓަރުން ހަރަކާތްތެރިވާން ފަށައިފިއެވެ.

އެމްއެންޑީއެފުން މީޑިއާތަކާ ހިއްސާކުރި މެސެޖެއްގައި ބުނީ، ހޮޅުދޫ ބޯޓު ކިޔާ މުދާ އުފުލާ ބޯޓެއްގައި އަލިފާން ރޯވެގެން ކައްދޫ ފަޔާ ސްޓޭޝަނުން ހަރަކާތްތެރިވަމުން އަންނަ ކަމަށެވެ.

އެމްއެންޑީއެފް އިން އާއްމު ކުރި ވީޑިއޯއެއްގައި އެ ބޯޓުގައި ވަރަށް ބޮޑަށް ރޯވެ އަނދަމުންދާ މަންޒަރު ފެނިގެން ދެއެެވެ. މުޅި ބޯޓުގައި ވަނީ ހުޅު ހިފާފައެވެ.

ބޯޓުގައި ރޯވީ ކިހިނެއް ވެގެންކަން އަދި ސާފު ނުވާއިރު ރޯވި ވަގުތު ބޯޓުގައި މީހުން ތިބި ކަމެއް މިހާތަނަށް ސާފެއްނުވެއެވެ.