ޖެންޑަރ މިނިސްޓަރ ލ ފޮނަދޫ އަމާންވެއްޓަށް ޒިޔާރަތްކުރައްވައިފި

އެކި އެކި ސަބަބު ތަކާއި ހުރެ ސަރުކާރުގެ ބެލުމުގެ ދަށަށް ބެލެނިވެރިކަން ނެގިފައިވާ ކުދިން ބެލެއްޓުމަށް ގާއިމް ކުރެވިފައިވާ އަމާން ވެށި ސެންޓަރުތަކުގެ ތެރެއިން، ލ ފުނަދޫގައި ހުންނަ އަމްނވެރި ސެންޓަރަށް މިނިސްޓަރ އޮފް ޖެންޑަރ ފެމެލީ އެންޑް ސޯޝަލް ސަރވިސަސް، އާއިޝަތު މުހައްމަދު ދީދީ ޒިޔާރަތްކުރައްވައިފިއެވެ.

އެކަމަނާގެ މި ދަތުރު ފުޅުގައި އަމާންވެށި ސެންޓަރު ގެ ހާލަތު ބައްލަވާލައި ތަނުގައި ތިބި ކުދިންނާއި ބައްދަލުކުރައްވައި ވަގުތު ހޭދަކުރައްވައިފައިވެއެވެ.

މީގެ އިތުރުންވެސް އެކަމާވަނީ އެ ރަށުގެ ކައުންސިލާއި ކަމާބެހޭއިދާރާތަކާއި ބައްދަލުކުރައްވައި މަޝްވަރާތަކެއް ކުރިއަށް ގެންދަވާފައެވެ.

މި މަޝްވަރާތަކުގެ ތެރެއިން ލާމަރުކަޒީ ނިޒާމުގެ ތެރެއިން އިޖްތިމާއީ ހިދުމަތްތައް ފޯރުކޮށްދިނުން ހަރުދަނަ ކުރުމަށް ކުރެވިދާނެ މަސައްކަތްތަކާއި ބެހޭ ގޮތުން ވަނީ މަޝްވަރާކޮށްފައެވެ.