ޕޯސްޓް މެދުވެރިކޮށް ރާއްޖެ އެތެރެކުރި 2.5 މިލިއަން ރުފިޔާގެ މަސްތުވާތަކެތި އަތުލައިގެންފި

ޕޯސްޓުގެ ޚިދުމަތް ބޭނުންކޮށްގެން ރާއްޖެ އެތެރެކުރި 2.5 މިލިއަން ރުފިޔާގެ މަސްތުވާތަކެތި އަތުލައިގެންފިއެވެ.

ކަސްޓަމްސް އިން ބުނީ، ބެލްޖިއަމް އިން ރާއްޖެ ގެނައި ޕާރސަލްއެއްގައި މަސްތުވާތަކެތި ހުރި ކަމަށް ޝައްކުކުރެވިގެން ބެލިބެލުމުން، މަސްތުވާތަކެތި އަޅާފައިވާ ދެ ޕެކެޓެއް ފެނިފައިވާ ކަމަށެވެ. އަދި މިތަކެތި ޓެސްޓްކުރުމުން އެއީ މަސްތުވާތަކެތީގެ ބާވަތެއް ކަމަށްވާ މެެފެޑޯންކަން އެނގިފައިވާ ކަމަށެވެ.

ކަސްޓަމްސް އިން ބުނީ، މިތަކެތީގެ ބަރުދަނުގައި 1 ކިލޯ ހުރި ކަމަށާއި، އޭގެ މަގުމަތީ އަގު ގާތްގަނޑަކަށް 2.5 މިލިއަން ރުފިޔާއަށް އަރާނެ ކަމަށެވެ. ކަސްޓަމުން ބުނީ މި މައްސަލައިގާ ޝާމިލުވާ އެކަކު ފުލުހުންނާއި ހަވާލުކޮށްފައިވާއިރު، އަތުލައިގަތް މަސްތުވާތަކެތި ވެސް ފުލުހުންނާއި ހަވާލުކޮށްފައިވާ ކަމަށެވެ.

ޕޯސްޓްމެދުވެރިކޮށް ރާއްޖެއަށް މަސްތުވާތަކެތި އެތެރެކުރުން މިހާރު އަންނަނީ ގިނަވަމުންނެވެ.