އަންނަ އަހަރަަށް ލަފާކޮށް ރައްޔިތުންގެ މަޖިލީހަށް ހުށަހަޅާފައިވާ ބަޖެޓުން ކައުންސިލްތަކަށް ލިބެންޖެހޭ ފަސް ފަސެންޓު ރާއްޖޭގެ ކޮންމެ ކައުންސިލަކަށް އޮންނަ އުސޫލުގެ ތެރެއިން ދޭނެ ކަމަށާއި ލާމަރުކަޒީ އަށް އެންމެ ތަރޯވާނީ މި ސަރުކާރުގެ މެންބަރުން ކަމަށް ރައްޔިތުންގެ މަޖިލީހުގެ މިލަންދޫ ދާއިރާގެ މެންބަރު ހަސަން މުފީދު އަބްދުލްގާދިރު ވިދާޅުވެއްޖެއެވެ.
ސިޔާސީ ޕާޓީތަކުގެ ގާނޫނާ ޚިލާފުވެއްޖެނަމަ، އެ އަމަލެއް ހިންގި ޕާޓީއެއް 100،000 ރުފިޔާއިން ޖޫރިމަނާކުރެވޭ ގޮތަށް މަޖިލީހަށް ހުށަހަޅާފައި އޮތް އިސްލާހާ ގުޅޭގޮތުން އަސްލު ޓިވީގެ ބާބު ޕްރޮގްރާމްގައި ވާހަކަ ދައްކަވަމުން މެންބަރު ވިދާޅުވީ ސިޔާސީ ޕާޓީތައް އުފަށްދަނީ ރާއްޖޭގެ ގާނޫނު އަސާސީން ލިބިދޭ އިހުތިޔާރާ ބާރުގެ ތެރެއިން ކަމަށެވެ.
ޕާޓީތައް އުފައްދާފައި ދިވެހި ދައުލަތުން އެކަމަށް ކަނޑައެޅޭ އުސޫލެއްގެ ތެރެއިން ފައިސާ ވެސް އެ ޕާޓީތަކަށް ފޯރުކޮށްދެއްވަނީ ގައުމާއި ރައްޔިތުންނަށް ހިދުމަތް ކުރުމަށް ކަމަށާއި ގައުމުގެ ފިތުނަ ފަސާދަ އުފަށްދަން ނޫން ކަމަށް މެންބަރު ވިދާޅުވިއެވެ.
މިފަދަ އިސްލާހެއް ހުށަހަޅަން މާބޮޑަށްވެސް ލަސްވެއްޖެކަން ފާހަގަ ކުރަށްވަމުން މެންބަރު ވިދާޅުވީ ކޮންމެ ކަމެއްވެސް ބިނާވެގެންދާންވާނީ ގައުމާއި ރައްޔިތުންގެ މައްޗަށް ކަމަށާއި، ރައްޔިތުންނާ ގައުމާ ދެކޮޅަށް ކުރެވޭ ކޮންމެ ކަމެއްގައި ޖޫރިމަނާ ކުރެވެންވާނެ ކަމަށެވެ.
ކަންކަމުގެ ފާޑުކިއުން އަމާޒުކުރަންވާނީ އާންމު އިޖުތިމާއީ މިންގަނޑާ ހިލާފުނުވާ ގޮތަށްކަން ފާހަގަ ކުރައްވަމުން މެންބަރު ވިދާޅުވީ ޕާޓީތަކުގެ ގާނޫނާ ޚިލާފުވެއްޖެނަމަ، އެ އަމަލެއް ހިންގި ޕާޓީއެއް 100،000 ރުފިޔާއިން ޖޫރިމަނާކުރެވޭ ގޮތަށް މަޖިލީހަށް ހުށަހަޅާފައި އޮތް އިސްލާހަށް ސަރުކާރުގެ ފުރިހަމަ ތާއިދު އެބައޮތް ކަމަށެވެ.
އަޅުގަނޑު ދަންނަވާނީ އެކަންކަމަށް ކިތަންމެވަރަކަށް ފާޑުކިޔަސް އެކަންކަމަކީ މިއަދުގެ މިޒަމާނަށް ބަލާއިރު، އަޅުގަނޑުމެންގެ ތެރޭގައި އިސްހުވެގެން އަންނަންޖެހޭ ގާނޫނުތަކާއި ގަވާއިދުތަކާއި ނޫނީ އެކަންކަން އަލުން ތަރުތީބުގެންނައިސް، އަޅުގަނޑުމެންގެ ތެރޭގައި ދާނީ ހަލާކުވެގެން. މެންބަރު
އަންނަ އަހަރަަށް ލަފާކޮށް ރައްޔިތުންގެ މަޖިލީހަށް ހުށަހަޅާފައިވާ ބަޖެޓުން ކައުންސިލްތަކަށް ލިބެންޖެހޭ ފަސް ފަސެންޓު ނުލިބޭކަމަށް އިދިކޮޅުން ބުނަމުންދާތީ އެކަން ދޮގު ކުރައްވާ މެންބަރު ވިދާޅުވީ ދިވެހިރާއްޖޭގެ ކޮންމެ ކައުންސިލަކަށް އޮންނަ އުސޫލުގެ ތެރެއިން ދޭން އޮންނަ އަދަދަށް ދީފައިވާ ކަމަށެވެ.
އެއީ ދެން އަނެއްހެން ބައެއްގެ ތެރޭގައި ފިތުނަ ފަސާދަ އުފެއްދުމަށް ދައްކަވާ ވާހަކަ އެއީކީ އެއްވެސް ގޮތަކަށް ރަނގަޅު ވާހަކައެއް ނޫން. ލާމަރުކަޒީއަށް އެންމެ ތަރޯވާނީ އަޅުގަނޑުމެން. އޭގެ މާނައަކީ އެމްޑީޕީއަކުން ނީންނާނެއޭ ލާމަރުކަޒީ ބިލަކަށް ވޯޓު ވެސް ދީފައި. މެންބަރު
"ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު" ގައިވާގޮތުން ލާމަރުކަޒީ އުޞޫލުން ދިވެހިރާއްޖޭގެ އިދާރީ ދާއިރާތައް ހިންގުމުގެ ބޭނުމަކީ، ދިވެހިރާއްޖޭގެ އެކި ރަށްރަށުގައި ދިރިއުޅޭ ރައްޔިތުންގެ ކަންކަން، ދީމިޤްރާޠީ އަދި ޖަވާބުދާރީވަނިވި އުޞޫލުން ރައްޔިތުން އަމިއްލައަށް ނިންމުމަށް މަގުފަހިކޮށް، އިޖްތިމާޢީ ގޮތުންނާއި، އިޤްތިޞާދީ ގޮތުންނާއި، ޘަޤާފީ ގޮތުން ދިވެހިރާއްޖޭގެ ރަށްރަށުގައި ދިރިއުޅޭ ރައްޔިތުންގެ ދިރިއުޅުމުގެ ފެންވަރު މަތިކޮށް، ރައްޔިތުން ބާރުވެރިކޮށް، ރައްޔިތުންނާ އެންމެ ގާތުން ފުޅާ ދާއިރާއެއްގައި ޚިދުމަތް ލިބޭނެ މަގު ފަހިކޮށްދީ، ދިވެހިރާއްޖޭގެ ރަށްރަށުގައި އަމާން ވެއްޓެއް ޤާއިމްކުރުމެވެ.
