މޫސުން ގޯސްވާނެކަމަށް ލަފާކޮށް ރާއްޖޭގެ ބޮޑު ސަރަހައްދަކަށް ހުދު ސަމާލު!

ބޯކޮށް ވާރޭ ވެހި ވައިގަދަވެ ކަނޑުތައްވެސް ގަދަވާނެ ކަމަށް ލަފާކޮށް ރާއްޖޭގެ ބޮޑު ސަރަހައްދަކަށް މޫސުމާއި ބެހޭ ގައުމީ އިދާރާއިން އަނެއްކާވެސް ހުދު ސަމާލު ނެރެފިއެވެ.

މޫސުމާ ބެހޭ އިދާރާ އިން ހުދު ސަމާލު ނެރެފައި ވަނީ ހއ. އަތޮޅުން ފެށިގެން މ. އަތޮޅާ ހަމައަށް މެންދުރު 12:00 އާ ހަމައަށެވެ. އެ ވަގުތުގެ ތެރޭގައި ބޯކޮށް ވާރޭ ވެހި ގުގުރައި ގަޑިއަކު 19-24 މޭލަށް ވައި ޖެހި، ވިލާގަނޑުގައި ގަޑިއަކު 40 މޭލަށް ވައި ގަދެވެ، ކަނޑުތައް ވެސް ގަދަވާނެ ކަމަށް އެ އިދާރާއިން ލަފާކޮށްފައިވެއެވެ.

ކުރިއޮށް އޮތީ އީދު ބަންދަށްވުމާއި އަދި ސްކޫލް ބޮޑު ޗުއްޓީ ވެސް މިހާރު ފެށިފައިވާތީ މި ދުވަސްވަރު ރާއްޖޭގެ ކަނޑުމަގުން ކުރާ ދަތުރުތައް ވެސް އިތުރާވާނެތީ މޫސުމަށް ބަލައިގެން ދަތުރުކުރަން ކަމާބެހޭ އިދާރާތަކުން އަންނަނީ ތަކުރާރުކޮށް އިލްތިމާސް ވެސް ކުރަމުންނެވެ.