އީރާނުގެ ކުރީގެ ރައީސް ވެސް އަވާރަކޮށްލައިފި

އީރާނުގެ ކުރީގެ ރައީސް އަހުމަދީނީޖާދު ވެސް އަވާރަކޮށްލައިފި އެވެ.

އިސްރާއީލް-އެމެރިކާ ގުޅިގެން އިއްޔެ ވަނީ އީރާނަށް ކުއްލި ހަމަލާތަކެއް އަނެއްކާވެސް ދޭން ފަށާފަ އެވެ.

މެދުއިރުމަތީގައި ފެށިފައިވާ ހަނގުރާމަ ހުއްޓާލުމުގެ އެއްެވްސ ވިސްނުމެއްނެތި އީރާނުން ވެސް ދަނީ ތަކުރާރުކޮށް އެމެރިކާ އަށާއި، އިޒްރެއިލަށް ވަރުގަދަ ރައްދު ހަމަލާތަކެއް ދެމުންނެވެ.

ޔަހޫދީންގެ ރޭވުންތެރި ހަމަލާތަކުގެ އަމާޒުގައި އީރާނުގެ ރޫހީ ލީޑަރު އާޔަތުﷲ އަލީ ޚާމަނާއީ ދަނރަނކަބަލުންނާއި، ފިރިކަލުން އަދި ކާފަ ދަރިފުޅުވެސް ވަނީ އަވަހާރަކޮށްލާފަ އެވެ.

އަހްމަދީނީޖާދު އަވަހާރަކޮށްލާފައިވާ ކަންވެސް އީރާނުގެ ބައެއް ނޫސް އެޖެންސީތަކުން ރިޕޯޓުކޮށްފައިވެ އެވެ.

އަހްމަދީނީޖާދު އަވަހާރަކޮށްލާފައި ވަނީ އިރާނުގެ ކުރީގެ ރައީސްގެ ސެކިއުރިޓީ ޓީމުން ބޭނުން ކުރަމުން އަންނަ އިމާރާތަކަށް ދިން ހަމަލާއެއްގައި ކަމަށްވެސް ބައެއް ރިޕޯޓުތައް ބުނެއެވެ. އީރާނުގެ ކުރީގެ ހުރިހާ ރައީސުންގެ ސަލާމަތީ ކަންކަން ބަލަހައްޓަނީ އެ ގައުމުގެ އެންމެ ބާރުގަދަ އަސްކަރީ ބާރު ކަމަށްވާ އައިއާރުޖީސީގެ ތެރޭގައި ހިމެނޭ ޔުނިޓަކުންނެވެ.

އަހުމަދީނީޖާދަކީ އިސްރާއީލާއި އެ ސަރަޙައްދުގައި އިސްރާއީލުގެ ސިޔާސަތުތަކަށް ވަރަށް ބޮޑަށް ފާޑުވިދާޅުވި ބޭފުޅެކެވެ. އޭނާގެ ރިޔާސީ ދައުރުގައި އީރާނުން ބައިނަލްއަގްވާމީ ގޮތުން އެކަހެރިވެފައިވަނީ އިސްރާއީލަށް ދިން އަސްކަރީ އިންޒާރުތަކުގެ ސަބަބުންނެވެ.