ހުޅުމާލޭގެ އެކި ސަރަޙައްދުތަކުގެ މަގުތަކުގައި ޤަވާއިދާއި ޚިލާފަށް ޕާކުކޮށްފައި ހުންނަ އުޅަނދުތައް ޓޯވ ކުރުމަށް ނިންމައިފިއެވެ.

ހުޅުމާލޭގެ މަގުތަކުގައި ޤަވާއިދާއި ޚިލާފަށް ޕާކް ކޮށްފައި ހުންނަ އުޅަނދުތައް ޓޯވ ކުރަން ހައުސިންގ ޑެވެލޮޕްމެންޓް ކޯޕަރޭޝަން (އެޗްޑީސީ) އިން ނިންމައިިފިއެވެ.

މިކަން އަންގައި އެޗްޑީސީން މިއަދު ކުރި އިޢުލާނެއްގައި ބުނެފައިވަނީ ހުޅުމާލޭގައި ދިރިއުޅޭ ފަރާތްތަކަށާއި ހުޅުމާލެއަށް ޒިޔާރަތްކުރާ ފަރާތްތަކަށް، ޤަވާއިދާއި ޚިލާފަށް ޕާކުކޮށްފައި ހުންނަ އުޅަނދުތަކުގެ ސަބަބުން އުދަގޫތަކާއި ކުރިމަތިވަމުން އަންނަ ކަމުގައެވެ.

އެގޮތުން ޑިސެމްބަރު ދެ ވަނަ ދުވަހު ހުޅުމާލޭގައި ގަވާއިދާ ހިލާފަށް ޕާކްކޮށްފައި ހުރި އުޅަނދުތައް ބަލައި ސާވޭ ރިޕޯޓެއް އެކުލަވާލާފައިވާ ކަަމަށްވެސް އެޗްޑީސީގެ އިޢުލާނުގައި ވެއެވެ.

އެހެންކަމުން ހުޅުމާލޭގައި ޕާކިންގ ޒޯންތަކުގައި މަގުތަކާއި، އަދި ހުސްބިންތަކުގައި ގަވާއިދާ ހިލާފަށް ޕާކް ކުރެވިފައި ހުރި އުޅަނދުތަކާއި، ހަލާކުވެފައި/ސުންބޯޑުގައި ހުރި އުޅަނދުތައް ޓޯ ކުރުމުގެ މަސައްކަތް ކަމާއި ބެހޭ މުވައްސަސާތަކާއި ގުޅިގެން ކުރުމަށް ނިންމާފައިވާ ކަމަށް އެ ބަޔާނުގައި ވެއެވެ.