ލަންކާ ކައިރީ އުފެދިފައިވާ ކޮޅިގަނޑުގެ އަސަރު ރާއްޖެއަށް ކޮށްފާނެ
ޔޫޝައު ހަސަން - 03 ފެބްރުއަރީ 2023 - 15:37
މާލެއަށް ވާރޭ ވެހެނީ
އަވަށްޓެރި ސްރީލަންކާގެ ސަރަހައްދުގައި އުފެދުނު ކޮޅިގަނޑުގެ އަސަރުކޮށްފާނެތީ ސަމާލުވާން ރާއްޖޭގެ މޫސުމާ ބެހޭ އިދާރާ މެޓު އޮފީހުން ބުނެފިއެވެ.
މެޓު އޮފީހުން މިއަދު ނެރެފައިވާ ބަޔާނެއްގައި ވަނީ ރާއްޖޭގެ އިރު އުތުރުން ސްރީލަންކާ ސަރަހައްދުގައި މިހާރު ހުރި ކޮޅިގަނޑު މަޑުމަޑުން ހުޅަނގު ދެކުނަށް ދަތުރުކޮށް ކުރިއަށް އޮތް 24 ގަޑިއިރު ތެރޭގައި ރާއްޖޭގެ އިރުމަތިން ގަލްފް އޮފް މަންނާރާއި ކޮމަރިން ސަރަހައްދު ހިމެނޭ ގޮތަށް ސްރީލަންކާގެ ހުޅަނގު އައްސޭރިފަށަށް ޖެހޭނެކަމަށް ލަފާ ކުރެވޭކަމަށެވެ.
މެޓު އޮފީހުން ނެރެފައިވާ ބަޔާން
މި ކޮޅިގަނޑުގައި ގުޅިފައިވާ ލޯ ޕްރެޝަރ ޓްރަފް ރާއްޖޭގެ އިރުމަތިން ފެށިގެން އިރުދެކުނު އަރަބި ކަނޑާއި ހަމައަށް ފޯރާފައިވާ ކަަމަށާއި ބައެއް ރަށްތަކަށް ބޯކޮށް ވާރޭވެހި އަތޮޅުތަކަށް ވިއްސާރަ ކުރުމާއެކު ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށް ލަފާ ކުރެވޭކަމަށްވެސް އެ ބަޔާނުގައި ވެއެވެ.
އެހެންކަމުން މިއަދުގެ މެންދުރު ފަހާއި މާދަމާ ރާއްޖޭގެ އުތުރުގެ އަތޮޅުތަކަށްް ވިއްސާރަ ކުރުމާއެކު ގުގުރާނެ ކަމަށް ލަފާ ކުރެވޭ ކަމަށް މެޓުން ވިދާޅުވެފައިވެއެވެ.
"ވީމާ މި ސަރަހައްދުގެ އެންމެހާ ފަރާތްތަކުން ހާއްސަކޮށް ކަނޑު ދަތުުރު ކުރައްވާ ފަރާތްތަކުން މޫސުމަށް ސަމާލުވުމަށް ދަންނަވަމެވެ." މެޓް އޮފީހުގެ ބަޔާނުގައި ވެއެވެ.
ސްރީލަންކާގެ ގިނަ ސަރަހައްދުތަކަށް ވެސް ވަނީ މޫސުން ގޯސްވާނެ ކަމަށް ލަފާކޮށް ވަނީ އެލާޓް ނެރެފައެވެ.
ގުޅުން ހުރި ޙަބަރުތައް
6 ރަށެއްގައި އެއާޕޯޓް ތަރައްގީ ކުރުމަށް ދެ ކުންފުންޏަކާއެކު ފައިނޭސިންގް އެއްބަސްވުމަކަށް
2 އަހަރު ކުރިން
ނައިބު ރައީސް އަންނަ ހަފްތާގައި އައްޑޫއަށް ވަޑައިގަންނަވަނީ
2 އަހަރު ކުރިން
އެއިޑްސް ދުވަހުގެ ހަރަކާތްތައް ގއ.އަތޮޅުގައި ކުރިޔަށްދަނީ
2 އަހަރު ކުރިން
ޓައިމް މެގަޒިންގެ އަހަރުގެ ޝަހުސިއްޔަތަކީ ޒްލެންސްކީ
2 އަހަރު ކުރިން
