މި އަހަރުގެ ރޯދަ މަހަށް ސައުދީން 50 ޓަނުގެ ކަދުރު ހަދިޔާ ކުރަނީ

ސަރުކާރުން ރާއްޖެއަށް 50 ޓަނުގެ ކަދުރު ހަދިޔާ ކުރަން ނިންމާފައިވާ ކަމަށް އިސްލާމިކް މިނިސްޓްރީން މިއަދު ބުނެފިއެވެ.

ކޮންމެ އަހަރެއްގެ ރަމަޟާންމަހާއި ދިމާކޮށް ސައުދީ ސަރުކާރުން ދިވެހި ރާއްޖެއަށް އަންނަނީ ކަދުރު ހަދިޔާ ކުރަމުންނެވެ.

އިސްލާމިކް މިނިސްޓަރ ޑރ. އަޙްމަދު ޒާހިރު އަލީ ވިދާޅުވީ ސައުދީން ހަދިޔާ ކުރާ ކަދުރު ރާއްޖެއަށް ލިބޭނެކަމަށް ލަފާކުރެވެނީ ރަމަޞާންމަހު ފެށޭ ހިސާބުގައިކަމަށެވެ. އަދި ފުރަތަމަ ކަދުރު ބެހުމަށް ހަމަޖެހިފައިވަނީ ފަޤީރުންގެ ލިސްޓުގައި ތިބި މީހުންނަށްކަމަށްވެސް މިނިސްޓަރ ވިދާޅުވިއެވެ. އަދި އެއަށްފަހު ގޭބިސީތަކަށް ބެހުމަށް ހަމަޖެހިފައިވާކަމަށް މިނިސްޓަރ ވިދާޅުވިއެވެ.

އަފްރާހް ވިދާޅުވީ ކަދުރު ލިބުނުހާ އަވަހަކަށް ކަދުރު ބެހުމުގެ މަސައްކަތް މިސްޓްރީގެ ފަރާތުން ފަށާނެ ކަމަށާއި އެގޮތުން އެންމެ ފުރަތަމަ އިސްކަން ދޭނީ ފަގީރުންގެ ލިސްޓުގައި ރަޖިސްޓްރީވެފައި ތިބި މީހުންނަށް ކަމަށެވެ.

ފަގީރުންނަށް ބެހުމަށް ފަހު ބާކީ ކަދުރުތައް ބަހާނީ އާންމު ގޭބިސީތަކަށެވެ.