މާލޭ ސިޓީ ކައުންސިލާއި ގދ އަތޮޅު ކައުންސިލާއި ދެމެދު ފަހުމު ނާމާއެއްގައި ސޮއިކޮށްފި

ދެ ކައުންސިލުގެ ދެމެދުގައި އިޖްތިމާއީ ގުޅުން ދެމެހެއްޓުމަށާއި އިޤްތިޞާދީ މަސައްކަތްތައް ކުރުމަށާއި އަދި ސަގާފީގޮތުން ދިރުވައި އާލާ ކުރަންޖެހޭ ކަންކަން ކުރުމަށްޓަކައި މާލޭ ސިޓީ ކައުންސިލާއި ގދ އަތޮޅު ކައުންސިލާއި ދެމެދު ފަހުމު ނާމާއެއްގައި ސޮއިކޮށްފިއެވެ.

މިއަދު މާލޭ ސިޓީ ކައުްނސިލްގައި މިކަމަށް އޮތް ރަސްމިޔާތެއްގައި މި ފަހުދު ނާމާގައި ސިޓީ ކައުންސިލްގެ ފަރާތުން ސޮއިކުރެއްވީ މާލޭ ސިޓީ މޭޔަރ ޑރ މުއިއްޒުއެވެ.

އަދި ގދ އަތޮޅު ކައުންސިލްގެ ފަރާތުން ސޮއި ކުރެއްވީ އެ ކައުންސިލްގެ ރައީސް ޙަސަން ފައިހަތު ޤުދުރަތުالله އެވެ.

އިޖްތިމާއީ އަދި އުމްރާނީ ގިނަ މަސައްކަތްތަކެއްގައި މާލޭ ސިޓީ ކައުންސިލުން އަންނަނީ ހަރަކާތްތައް ރާވައި ހިންގައި ރައްޔިތުންގެ އިތުބާރު ހޯދަމުންނެވެ.

މި ދެ ކައުންސިލުގެ ދެމެދުގައި މިއަދު ވެވުނު އެއްބަސްވުމުގެ ދަށުން މާލޭ ސިޓީ ކައުންސިލުން ރާވައި ހިންގާ ގިނަ ކަންކަން ގދ އަތޮޅުގައިވެސް ދެ ފަރާތުން ގުޅެވިގެން ކުރިއަށް ގެންދާނެ ކަމުގައި ބެލެވެއެވެ.